Choose Language
Old Testament Books
New Testament Books
1Мон берытскыса учки но шунды улын ортчись пӧртэм-пӧртэм ултӥянъёсты адӟи: ултӥям адямиослэсь бызись синвуоссэс адӟисько, нош буйгатӥсьсы соослэн ӧвӧл: соосты ултӥясьёслэн киязы – кужым, нош ултӥямъёслэн сюлэмзэс капчиятӥсьсы ӧвӧл.
2Мон лыдъяй: кемалась кулэмъёс шудоесьгес али дыре улӥсьёс сярысь;3нош соослэсь, кыксылэсь но, шудогес со, кин дунне вылэ ӧз на вордскы, кин шунды улын лэсьтӥськись лек ужъёсты ӧз на адӟы.
4Озьы ик мон адӟи: котькыӵе ужез ужаку, вань ужъёсын азинлыкъёс басьтыку, адямиос ог-огзылы вожъяськыны кутско. Та но – алекъяськон – юнме дыр быдтон, духлэн-луллэн курадӟонэз-куректонэз!
5Шузи киоссэ алвылаз тырыса пуке но аслэсьтыз лулмугорзэ сие.
6Секыт ужаса, духез-лулэз курадӟытыса-куректытыса
кык кырым тыр люкатозь,
ӟечгес луоз каньыл мылкыдын одӥг кырым люканы.
7Мон берытскыса учки но шунды улысь эшшо алекъяськонэз – юнме дыр быдтонэз – адӟи на:8огназ улэ адями, вӧзаз нокинэз ӧвӧл – пиез но, агай-выныз но солэн ӧвӧл; нош та адямилэн пумтэм-йылтэм трос ужъёсыз, узырлыкен кӧтыз уг тыры. «Кин понна бен мон тыршисько, лулме-сюлэмме шудтэм улонэ кельтӥсько?» Та но – алекъяськон – юнме дыр быдтон, ярамон уж ӧвӧл та!
9Оген улон сярысь, кык ӵошен улыны умойгес: ӵош ужамзы понна ӟеч мед-кузьым басьтонзы вань уго:10одӥгез усиз ке, мукетыз аслэсьтыз эшсэ ӝутоз. Нош оген мурт усиз ке – куректон-кайгу, сое ӝутӥсь мурт уз сюры ни.
11Озьы ик, кык ӵошен кыллё ке, соослы шуныт,
нош огнад кыллид ке, кызьы шунтӥськод?
12Оген муртэ кин ке но ёртыны кутскиз ке,
кык ӵошен уз сётӥське солы.
Куинь полэс пӧлэстэм сӥньыс но ӝогак уз чигиськы.
13Пересь но визь-кенешъёсты кабыл басьтыны быгатӥсьтэм
укылтэм эксэй луон сярысь,
ӟечгес куанер ке но, но визьмо пинал пи луыны.
14Со пинал пи пытсэт сьӧрысь эксэй луыны потоз, аслаз эксэйлыказ со куанер муртъёслэсь вордскиз ке но.
15Шунды ултӥ пинал пиен ӵош ветлӥсь вань адямиосты мон адӟи: таиз соизлэсь интызэ басьтоз.
16Лыдъяны луонтэм трос калык улӥз солэн азяз, но вуоноез калык сое уз ушъя. Та но – алекъяськон – юнме дыр быдтон, духлэн-луллэн курадӟонэз-куректонэз!
17Инмар корка мыныкуд, эскериськыса-чакласа вамышъя. Сак кылзӥськыса улэмед ӟечгес луоз укылтэм муртъёслэн курбон сётонзы сярысь, уго соос уг валало, урод лэсьто шуыса.
Глава 4
