Bible
Choose Language
Old Testament Books
New Testament Books
ПСАЛТИРЬ
92-тӥ ПСАЛОМ
[Давидлэн ушъян кырӟанэз. Субботалэн азьвыл нуналаз, музъем вылын улэп макеослэн улыны кутсконзылы сӥзьыса.]
1Кузё-Инмар эксэйын пуке, Со быдӟымлыкен шобырскемын,
Кузё-Инмар кужымен шобырскемын, кускыз думемын,
соин ик дунне юн сылэ, уг вырӟылы.
2Эксэй пуконэд дунне кылдэм дырысен юн сылэ,
вапумъёс кутсконлэсь азьло ик Тон вал ини.
3Шуръёс потто, Кузё-Инмаре,
шуръёс асьсэлэсь куаразэс потто,
шуръёс асьсэлэсь тулкымъёссэс ӝуто.
4Трос вуослэн куаразылэсь но,
зарезьлэн кужмо тулкымъёсызлэсь но
кужмогес вылӥысь Кузё-Инмар.
5Тынад законъёсыд, зэмзэ но, шонересь,
коркаед, Кузё-Инмаре, пумтэм нуналъёсы дун-чылкыт.
Глава 92
