Bible
Choose Language
Old Testament Books
New Testament Books
ПСАЛТИРЬ
44-тӥ ПСАЛОМ
1Хорлэн кивалтӥсезлы. Шошан шудонэн. Корей пиослэн дышетонзы. Яратонлы сӥзем кырӟан.
2Сюлмы ӟеч кыл поттэ, мон шуисько:
«Аслэсьтым ужъёсме эксэйлы сӥзисько;
мынам кылы – ӝог гожъяськисьлэн пероез».
3Вань адями пиос пӧлысь Тон трослы чебергес,
Тынад ымысьтыд дэлет кисьтӥське,
соин ик Инмар Тонэ пумтэм дауръёслы бакель кариз.
4Кус шортӥд палашеныд думиськы, Кужмо,
Аслад чеберлыкеныд, данлыкеныд.
5Аслад данлыкад азинлык басьты,
зэмлыклэн, зӥбытлыклэн, шонерлыклэн ожмаськон уробояз султы,
соку бур киыд Тыныд паймымон кышкытлыко ужъёс возьматоз.
6Лэчытэсь Тынад ньӧлъёсыд, [Кужмо,] калыкъёс Тон улэ усёзы, –
Эксэйлэн тушмонъёсызлэн сюлмазы мертчиськозы.
7Инмаре, Тынад престолэд пумтэм вапумъёс сылэ;
Тынад эксэйлыкедлэн кивалтэт бодыез –
со шонерлыклэн кивалтэт бодыез.
8Тон шонерлыкез яратӥд,
нош законлы пумит улонэз адӟонтэм карид;
соин ик Тонэ Инмар, Тынад Инмаред,
ваньмыз пӧлысь ваньмызлэсь золгес шумпотон вӧйын зыраз.
9Тынад дӥськутъёсысьтыд смирна, алой, кассия зын потэ;
слон лылэсь лэсьтэм четлыкъёсысен Тонэ шулдырто.
10Эксэй нылъёс – гажано муртъёсыд пӧлын;
бурпалад офир зарниен чеберъям эксэй ныл султӥз.
11Кылзы, нылмурт, учкы, пельдэ мыкырты,
вунэты аслэсьтыд калыктэ, атаедлэсь корказэ.
12Тынэсьтыд чеберлыктэ Эксэй кулэ кароз,
Со уго Тынад Кузёед, тон Солы йыбыртты.
13Тир карлэн нылыз кузьымен лыктоз,
калык пӧлысь узыръёс Тынад азяд сюлворозы.
14Эксэй ныллэн вань данэз пушказ,
дӥськутэз солэн зарни уко туген чеберъяса вуремын.
15Пужъятэм дэремен сое Эксэй доры ваё,
со бӧрсьы нылъёсты, солэсь эшъёссэ, Тыныд ваё.
16Шумпотонэн, шулдыръяськонэн ваё но Эксэйлэн корказ пыро.
17Атайёсыд интыын пиосыд луозы,
кивалтӥсь карыса, Тон соосты быдэс музъем вылэ пуктылод.
18Тынэсьтыд нимдэ выжыысь выжые буре вайымон каро,
соин ик калыкъёс Тонэ вапумысь вапуме данъяса улозы.
Глава 44
