Bible
Choose Language
Old Testament Books
New Testament Books
ПСАЛТИРЬ
31-тӥ ПСАЛОМ
Давидлэн крезьгурез. Дышетон.
1Шудо со мурт, кинлэн законлы пумит улэмъёсыз куштэмын,
кинлэн сьӧлыкъёсыз ӵушемын!
2Шудо со мурт, кинлы Кузё-Инмар сьӧлык уг гожты,
кинлэн сюлмаз кескичлыкез ӧвӧл!
3Чалмыт улыкум, нуналлы быдэ сюлворыса,
пӧсьтӥзы мынам лыосы,
4уго уй но нунал Тынад киыд монэ зӥбыса возиз;
гужем пӧсь нуналэ турын-куарлэн шуямез кадь
быриз бамысьтым ӵыжытэз.
5Мон Тыныд сьӧлыкме усьтӥ,
законлы пумит улэмме ӧй ваты но шуи:
«Аслэсьтым йӧнтэм ужъёсме Кузё-Инмарлы ватытэк верасько»,
соку Тон мынэсьтым вань сьӧлыкъёсме куштӥд.
6Соин ик Тонэ шедьтон дыръя котькудӥз шонер улӥсь
Тыныд вӧсяське,
соку трос вуослэн ӧръяськемзы со доры уг вуы.
7Тон – мынам Шобретэ;
Тон монэ куректон-кайгулэсь утиськод,
мозмытсконлы шумпотонэн Тон монэ котыртӥськод.
8«Тонэ визьмало, кудтӥз сюрес вылтӥ мыныны тонэ дышето;
тонэн кивалто, синме тон пала берыкто».
9«Эн луэ вал кадь, номыр валасьтэм ишак кадь,
тынэсьтыд мед кылзӥськозы шуыса,
соосты серметаны, ымзэс кортнаны кулэ».
10Сьӧлыклэсь кышкасьтэм доры трос куректон-кайгуос вуо,
нош Кузё-Инмарлы оскиськыса улӥсь муртэ гажан-жалян котыртэ.
11Шонер улӥсьёс, Кузё-Инмар бордын шулдыръяське, шумпотэлэ;
шонер сюлэмоос, шумпотыса, куаныса улэ.
Глава 31
