Bible
Choose Language
Old Testament Books
New Testament Books
ПСАЛТИРЬ
149-тӥ ПСАЛОМ
Аллилуия.
1Кузё-Инмарлы выль кырӟан кырӟалэ;
дун-чылкыт улӥсьёслэн люкаськоназы Сое данъялэ.
2Аслаз Кылдытӥсез понна Израиль мед шулдыръяськоз,
Сӥонлэн пиосыз Эксэйзы понна мед шумпотозы.
3Солэсь нимзэ котыр султыса мед данъялозы,
тимпан но крезь шудыса, Солы мед кырӟалозы.
4Уго Кузё-Инмарлэн ӟеч эрикез Ас калыкез бордын улэ,
зӥбыт-востэмъёслы утиськон сётыса, вылӥ каре.
5Дун-чылкыт улӥсьёс дан пӧлын мед шулдыръяськозы,
шутэтскон интыязы шумпотыса мед улозы.
6Кылазы-ымазы Инмарез данъян кылъёс мед улозы,
киязы кык палтӥз ик шерем меч мед луоз:
7Калыкъёслы пунэмзэ берыктыны, выжыосты вӧсь карыны,
8соослэсь эксэйёссэс жильыетэ пуктыны,
кузёйыръёссэс корт сьӧлтэтэн кортнаны,
9дасям судэн судить карыны.
Та дан сётэмын луоз Солэн вань дун-чылкыт улӥсьёсызлы.
Аллилуия.
Глава 149
