Bible
Choose Language
Old Testament Books
New Testament Books
ПСАЛТИРЬ
148-тӥ ПСАЛОМ
Аллилуия.
1Инмысен Кузё-Инмарез ушъялэ, вылӥысен Сое ушъялэ.
2Инмарлэн вань Кылчинъёсыз, Сое ушъялэ,
вань ожмаськисьёсыз, Сое ушъялэ.
3Шунды но толэзь, Сое ушъялэ,
вань пиштӥсь кизилиос, Сое ушъялэ.
4Инъёслэн инъёссы, инъёслэн вылӥысьтызы вуос, Сое ушъялэ.
5Кузё-Инмарлэсь нимзэ мед ушъялозы,
уго [Со вераз но – пӧрмизы,] Со косӥз но – кылдӥзы.
6Вапумысь вапумъёс ӵожелы соосты пуктӥз;
закон сётӥз, кудзэ быдэстытэк кельтыны уг луы.
7Ушъялэ Кузё-Инмарез музъем вылысен,
туж бадӟымесь чорыгъёс, пыдэстэм зарезь вуос,
8тыл но йӧзор, лымы но бус, Солэсь верам кылзэ быдэсъясь сильтӧл,
9гурезьёс но вань мувыръёс,
емыш сётӥсь писпуос но вань кедырпуос,
10пӧйшуръёс но вань пудо-животъёс,
нюж кыстӥськисьёс но тылобурдоос,
11музъем выл эксэйёс но вань калыкъёс,
покчи эксэйёс но музъем вылысь вань судьяос.
12Егит пиос но нылъёс, пурысьтам пересьёс но быдэ вуымтэ егитъёс
13Кузё-Инмарлэсь нимзэ мед ушъялозы,
уго Солэн Огназлэн нимыз вылэ ӝутэмын,
Солэн данэз музъем вылын но, Инмын но пиштыса улэ.
14Со Ас калыкезлэсь кужымзэ вылэ ӝутӥз,
вань дун-чылкыт улӥсьёслэсь, матаз улӥсь калыклэсь,
Израиль пиослэсь данзэс вылӥ кариз.
Аллилуия.
Глава 148
