Bible
Choose Language
Old Testament Books
New Testament Books
ПСАЛТИРЬ
146-тӥ ПСАЛОМ
[Аллилуия.]
1Ушъялэ Кузё-Инмарез, асьмелэсь Инмармес
ушъяса кырӟаны ӟеч, ярамон; Сое ушъян шумпотон вае.
2Кузё-Инмар Иерусалимез ӝутэ,
Израильлэсь улляськем муртъёссэ люкалоз.
3Сюлмынызы чигиськисьёсты Со бурмытъя,
соослэсь яраоссэс бине.
4Кизилиослэсь лыдзэс ӵота, соосты ваньзэс нимынызы вера.
5Быдӟым асьмелэн Кузё-Инмармы, быдӟым [Солэн] кужымез,
мертаны луонтэм Солэн визьлыкез.
6Востэмъёсты Кузё-Инмар ӝутэ,
нош сьӧлыклэсь кышкасьтэмъёсты сюй бордозь нюртэ.
7Кузё-Инмарлы тау карон гуръёстэс кырӟалэ,
крезь шудыса, Инмармылы кырӟалэ.
8Инмез Со пилемъёсын шобыртэ, музъемлы зор дася.
Гурезьёсын вож турын будэтэ, [адямиослы пайдалы ю-нянь сётэ].
9Пудо-животлы но, кесяськись кырныжпиослы но сиён сётэ.
10Со валлэн кужымез шоры уг учкы,
адями пыдъёслэн шаплызы понна но мылкыдыз уг лӧпты;
11Кузё-Инмарлэн ӟеч мылкыдыз Солэсь кышканэн улӥсьёс бордын,
Солэн гажан-жалянэзлы оскиськыса улӥсьёс вылын улэ.
Глава 146
