Bible
Choose Language
Old Testament Books
New Testament Books
ПСАЛТИРЬ
145-тӥ ПСАЛОМ
[Аллилуия. Аггейлэн но Захариялэн.]
1Кузё-Инмарез ушъя, лулы.
2Вань улытозям Кузё-Инмарез ушъяса уло,
быдэс улонам Инмарелы данъян гуръёс кырӟало.
3Дунне выл эксэйёслы, адями пиослы эн оскиське:
соос бордын утиськон ӧвӧл.
4Соослэн лулзы потэ но, соос ас музъемазы берытско,
со нуналэ соослэн [вань] малпанъёссы ышо-быро.
5Шудо со мурт, кинлэн юрттӥсез Иаковлэн Инмарез луэ,
со муртлэн оскиськонэз Инмар Кузё-Инмар вылын улэ.
6Кузё-Инмар инмез но музъемез кылдытӥз, зарезез но – ваньзэ,
маиз соос пушкын вань – пумтэм вапумъёсы оскиськымон Со.
7Со ултӥямъёслы дурбасьтэ, сютэмъёслы нянь сётэ.
Кузё-Инмар пытсэтэ сюремъёсты мозмытэ,
8Кузё-Инмар синтэмъёслэсь синзэс усьтэ,
Кузё-Инмар погыртэмъёсты султытэ;
Кузё-Инмар шонер улӥсьёсты яратэ.
9Кузё-Инмар дораз лыктӥсьёсты уте,
анайтэм-атайтэм нылпиослы, палкышноослы юрттэ,
нош сьӧлыклэсь кышкасьтэмъёслэсь сюрессэс тарка-быдтэ.
10Пумтэм вапумъёс ӵоже Кузё-Инмар эксэйын пукоз,
Тынад Инмаред, Сӥон, выжыысь выжыосы улоз.
Аллилуия.
Глава 145
