Bible
Choose Language
Old Testament Books
New Testament Books
ПСАЛТИРЬ
143-тӥ ПСАЛОМ
Давидлэн крезьгурез. [Голиафлы пумит.]
1Данлыко Кузё-Инмар, юнматскон интые,
мынэсьтым киосме ожмаськонлы,
чиньыосме ож тӥрлык кутыны дышетӥсь.
2Со мынам гажась-жалясе, изкаре, утиськон интые,
Мозмытӥсе, мынам щитэ – мон Со вылэ оскиськисько;
калыкме Со мыным тэрытскытэ.
3Кузё-Инмаре! Адями мар со, кудзэ Тон тодӥськод?
Яке адями пи, кудӥз сярысь Тон сюлмаськиськод?
4Адями тӧл пельтэмлы укша,
солэн нуналъёсыз кошкись вужер кадесь.
5Кузё-Инмаре! Инъёстэ мыкырты но васькы;
гурезьёс борды йӧтӥськы – соос ӵындыны кутскозы.
6Чилектыса гудырты, пазьгиськыты соосты;
пукыӵ ньӧлъёстэ лэзь, куашкаты соосты.
7Йылӥысен кидэ сёт, мозмыты монэ,
быдӟым вуослэсь, мурт выжы пиослэн киоссылэсь уть монэ.
8Соослэн ымъёссы аляк кылъёс верало,
бур киоссы – ӧрекчаськонлэн бур киыз.
9Инмаре, Тыныд выль кырӟан кырӟало,
дас сиё псалтирен шудыса данъяло.
10Давид ляльчидэ лек тӥр-пуртлэсь Мозмытӥсьлы,
эксэйёслы вормон Сётӥсьлы данъян гуръёс кырӟало.
11Мозмыты, уть монэ мурт выжы пиослэн киоссылэсь.
Соослэн ымъёссы аляк кылъёс верало,
бур киоссы – ӧрекчаськонлэн бур киыз.
12Вож дыръязы пушйись будос кадесь мед луозы асьмелэн пиосмы,
четлыкысь чеберъяса вӧлэм юбо кадесь – асьмелэн нылъёсмы.
13Кеносъёсмы котькыӵе ю-нянен тырмемын,
пачылмемын мед луозы.
Ыжъёсмы сюрсъёсын мед йылозы,
дасо сюрсъёсын возь вылъёсамы мед потозы.
14Ошъёсмы кӧесь мед луозы.
Куашкам-пилиськем изкаръёсмы ӧвӧл, пегӟыса кошкисьёсмы ӧвӧл,
ульчаосамы викышъян-вузон но ӧвӧл.
15Шудо калык, кудӥз тазьы улэ.
Шудо калык, кудӥзлэн Инмарез Кузё-Инмар луэ.
Глава 143
