Bible
Choose Language
Old Testament Books
New Testament Books
ПСАЛТИРЬ
114-тӥ ПСАЛОМ
[Аллилуия.]
1Шумпотӥсько, Кузё-Инмар куараме кылӥз,
вӧсяськемме кабыл басьтӥз шуыса.
2Мон пала Со пельзэ мыкыртӥз,
вань улон нуналъёсам Со азьын вӧсясько.
3Кулон сьӧлтэтъёс монэ ӟыгыртӥзы,
адлэн курадӟонъёсыз мон доры вуизы;
ӝикаса, курадӟыса улонэн мон пумиськи.
4Соку мон Кузё-Инмарлэн нимызлы вазиськи:
«Кузё-Инмаре, лулме мозмыты!»
5Кузё-Инмар гажась-жалясь, шонер лэсьтӥсь,
асьмелэн Инмармы асьмемыз гажа-жаля.
6Зӥбыт мылкыдоосты Кузё-Инмар уте;
мон катьтэмми, нош Со мыным юрттӥз.
7Лулы, каньыллык шедьтыса ул,
Кузё-Инмар тыныд ӟеч эриксэ возьматӥз.
8Тон мынэсьтым лулме кулонлэсь мозмытӥд,
синъёсме – синвулэсь, пыдъёсме канжаськонъёслэсь утид.
Кузё-Инмарлэн син азьтӥз, улэпъёслэн улон интытӥзы мон ветло.
Глава 114
