Bible
Choose Language
Old Testament Books
New Testament Books
ПСАЛТИРЬ
111-тӥ ПСАЛОМ
Аллилуия.
1Шудо со мурт, кин Кузё-Инмарлэсь кышканэн улэ,
Солэсь курон-косонъёссэ юн яратэ.
2Музъем вылын солэн кидысэз кужмо луоз;
шонер улӥсьёслэн выжызы бакель каремын луоз.
3Тыр улон, узырлык солэн корказ пыре,
солэн шонерлыкез пумтэм вапумъёс улэ.
4Шонер улӥсьёслы пеймыт азьын югыт пиштыса улэ.
Со ӟеч, жалясь, шонер лэсьтӥсь.
5Лякыт адями жалясь сямо луэ, со пунэмен сётэ;
судысен верам кылъёсыз оскиськымон юнэсь луозы.
6Ноку но со уз куалекты;
шонер улӥсь пырак ӵоже буре ваемын луоз.
7Урод иворъёслэсь уз кышка,
Кузё-Инмарлы оскиськыса улонэн солэн сюлмыз юнмамын.
8Солэн сюлмыз куалектӥсьтэм,
тушмонъёсыз шоры учкон дыръя со уз курда.
9Со кураськисьёслы люкылӥз, сётъяз;
солэн шонерлыкез пумтэм вапумъёсы улэ;
солэн сюрез данэн ӝутӥськоз.
10Сьӧлыклэсь кышкасьтэм тае адӟиз ке, йырыз кур луоз,
пиньёссэ гизьыр йыръёз но кулоз.
Сьӧлыклэсь кышкасьтэмъёслэн кулэ каронзы быроз.
Глава 111
