Bible
Choose Language
Old Testament Books
New Testament Books
ПСАЛТИРЬ
8-тӥ ПСАЛОМ
1Хорлэн кивалтӥсезлы. Геф шудонэн. Давидлэн крезьгурез.
2Кузё-Инмаре, милям Инмармы!
Макем быдӟым Тынад нимыд быдэс музъем вылын!
Тынад быдӟымлыкед инъёслэсь вылӥе ӝутӥське!
3Тушмонъёстэ уськытон понна,
соослэсь, лек сюлэмоослэсь, ымзэс ворсан понна
вож нуныослэн, нонӥсь пиналъёслэн ымынызы Тон ушъян кылдытӥд.
4Тынад киосыдлэн ужъёссы шоры учкыкум – инбамъёсыд,
толэзь но кизилиос шоры, кудъёссэ Тон пуктылӥд, – малпасько:
5Ма со адями, кудзэ Тон тодад возиськод,
ма со адями пи, кудӥз доры Тон ветлӥськод?
6Кылчинъёсын ӵошатыса, Тон сое трослы ик покчи ӧд кары,
данэн, сӥ-санэн изьыяд Тон сое.
7Аслад киыныд лэсьтэм ужъёслы сое кузё карыса пуктӥд,
ваньзэ солэн пыд выжыяз понӥд:
8Ваньзэс – ыжъёсты но, ошъёсты но, кыр пӧйшуръёсты но озьы ик
9Ин тылобурдоосты, зарезь чорыгъёсты –
зарезь сюресъёс кузя мынӥсь-ветлӥсьёсты.
10Кузё-Инмаре, милям Инмармы!
Макем быдӟым Тынад нимыд быдэс музъем вылын!
Глава 8
