Bible
Choose Language
Old Testament Books
New Testament Books
ПСАЛТИРЬ
5-тӥ ПСАЛОМ
1Хорлэн кивалтӥсезлы. Пельтыса шудонъёсын. Давидлэн крезьгурез.2Кузё-Инмаре, санэ пон верам кылъёсме,
вала мынэсьтым малпанъёсме.
3Эксэе мынам, Инмаре мынам, санэ пон бӧрдэм куараме!
Тон азьын мон вӧсяськисько.
4Кузё-Инмаре! Вазь ӵукна ик кыл мынэсьтым куараме,
вазь ӵукна ик Тон азе султо но возьмаса уло.
5Законлы пумит улонэз Тон яратӥсьтэм Инмар;
лек мурт Тон доры интыяськыны уз быгаты.
6Вылтӥяськисьёс Тынад син азяд сылыны уз чидалэ:
ваньзэс законэз сӧрыса улӥсьёсты Тон адӟонтэм кариськод.
7Ӧрекчаськыса верасьёсты Тон быдтод;
вир кисьтӥсьёсты, кескич муртъёсты Кузё-Инмар синазькыль каре.
8Нош мон, Тынад уно гажан-жалянэд вань бере,
Тынад коркад пыро,
Тынэсьтыд кышканэн улыса, святой храмедлы йыбыртто.
9Кузё-Инмаре! Тушмонъёсы трос луизы,
Ачид шонер валты монэ, азьысьтым сюресме ӵошкаты.
10Соослэн кылазы-ымазы зэмлыкез ӧвӧл:
сюлмазы – бырон ваён, ньылонзы – усьтӥськем шайгу,
кылынызы чеберъясько соос.
11Инмаре, судить кар соосты, урод малпанъёссы мед куашкалозы;
трос сьӧлыко ужъёссы понна сэрпалты соосты,
Тыныд пумит уго соос бугырскизы.
12Ваньмыз Тыныд оскиськыса улӥсьёс шумпотозы,
пумтэм дауръёс ӵоже шумпотонэн пачылмыса улозы,
нош Тон соосты шобыртыса возёд;
Тынэсьтыд нимдэ яратӥсьёс Тонэн ушъяськыса улозы.
13Кузё-Инмаре, шонер улӥсез Тон бакель кариськод,
щитэн кадь, ӟеч эрикен сое котыртӥськод.
Глава 5
