Bible
Choose Language
Old Testament Books
New Testament Books
ПСАЛТИРЬ
4-тӥ ПСАЛОМ
1Хорлэн кивалтӥсезлы. Сиё шудонъёсын. Давидлэн крезьгурез.
2Мон вазиськыку, кыл монэ, шонерлыкелэн Инмарез!
Ӝикыт интыез Тон мыным паськыт карылӥд.
Жаля монэ, кыл мынэсьтым вӧсяськемме.
3Адями пиос!
Мынам данэ кема-а саптаськыса улоз на?
Кема-а алекъяськыса улонэз яратоды на, пӧяськонэз утчалоды на?
4Тодэлэ, Кузё-Инмар святойзэ Аслыз бырйиз шуыса;
Кузё-Инмарлы вазиськисько ке, Со монэ кылэ.
5Йыркуръяськыса эн сьӧлыкалэ:
кӧлан интыысеныды сюлмыныды малпаське но шып кариське.
6Шонер улонлэсь курбонъёссэ ваелэ но Кузё-Инмарлы оскиськелэ.
7Тросэз шуо: «Кин милемлы ӟечлыкез возьматоз?»
Кузё-Инмаре! Ымнырыдлэсь югытсэ ми вылэ пиштыты!
8Няньзы, виназы, [вӧйзы] трос луэм дырысен
Тон мынэсьтым сюлэмме шумпотонэн пачылмытӥд.
9Каньылак выдо но умме усё, уго одӥг Тон гинэ, Кузё-Инмаре,
мыным кышкатэк улон сётӥськод.
Глава 4
