Choose Language
Old Testament Books
New Testament Books
1Собере Артаксеркс эксэй музъем возисьёс вылэ, зарезьысь шормуӵъёсты возисьёс вылэ выт тырон понӥз.2Солэн кужымезлэн вань ужъёсыз сярысь, солэн быдӟымлыкез сярысь, эксэйлэн Мардохеез вылӥе ӝутэмез сярысь пыр-поч гожтэмын Мидиялэн, Персиялэн эксэйёссылэн нуналлы быдэ гожъяськись книгаязы.3Уго иудей пи Мардохей Артаксеркс эксэй бере кыкетӥ адями вал, иудейёс понна быдӟым мурт, трос агай-вынъёсыз понна яратоно адями луиз, уго со ас калыкезлы ӟеч карыны тыршиз, вань выжы калыкез ӟеч мед улоз шуыса, со солы верам кылъёсыныз юрттӥз.
[Мардохей шуиз: «Та Инмарлэн сётэмез вал, уго уйвӧтме мон тодам вайи, отын та ужъюгдуръёсты мон адӟи: вань адӟеме быдэсмиз. Пичи ошмес шурлы пӧрмиз, югыт вал, шунды пиштыса улӥз, трос ву вал: со шур – Есфирь, сое эксэй аслыз кышнолы басьтӥз но, со эксэй кышно луиз. Нош кык кыйёс – со мон но Аман; калыкъёс – со иудейёслэсь нимзэс быдтыны люкаськемъёс; нош мынам калыке – со израиль пиос, Инмарлы вазиськыса утиськемъёс. Кузё-Инмар Аслэсьтыз калыксэ утиз, Кузё-Инмар вань та урод ужъёсты лэсьтонлэсь милемды мозмытӥз, Инмар быдӟымесь паймымон тодметъёс, паймымон ужъёс возьматӥз, сыӵеоссэ, кудъёсыз язычникъёс пӧлын ноку но уг луо вал. Тазьы Инмар кык пол пус чӧлтон ортчытӥз: одӥгез Инмар калык понна, нош мукетыз – вань язычникъёс понна; та кык пус чӧлтонъёс ортчизы со часэ но дыре, – Инмар азьын суд ортчытон нуналэ, вань язычникъёслэн азязы. Кузё-Инмар Ас калыксэ тодаз вайиз, Аслэсьтыз быръем люкетсэ шонере поттӥз. Адар толэзьлэн та нуналъёсаз – та толэзьлэн дас ньылетӥ но дас витетӥ нуналъёсаз – израиль калык Инмар азьын шумпотыса, шулдыръяськыса, Сое данъяса выжыысь выжыосы, пумтэм вапумъёс ӵоже праздник карозы».
Птоломей но Клеопатра эксэй луыса ньылетӥ арзэ пукыку, Досифей – со ачиз сярысь священник но левит луисько шуиз, солэн Птоломей пиез, Александрия каре Пурим сярысь та гожтэтэз вуттӥзы, сое Птоломейлэн Иерусалимын улӥсь Лисимах пиез берыктӥз, шуизы.]
Глава 10
