Choose Language
Old Testament Books
New Testament Books
1Тани Навуходоносорлэн, Вавилон эксэйлэн, Иудей музъемысь Вавилонэ пленэ улыны нуэм пиослэн нимъёссы, соос али Иерусалиме, Иудеяе, котькудӥз аслаз городаз берытске, –2Зоровавелен, Иисусэн, Неемияен, Сараияен, Реелаен, Мардохеен, Билшанэн, Мисфарен, Бигваен, Рехумен, Ваанэн ӵош лыктэмъёс.
Израиль калыкысь адямиослэн лыдзы:3Парошлэн пиосыз – кык сюрс сю сизьымдон кык;4Сафатиялэн пиосыз – куинь сю сизьымдон кык;5Арахлэн пиосыз – сизьым сю сизьымдон вить;6Пахаф-Моавлэн пиосыз, Иисуслэн но Иоавлэн пиосыз пӧлысь – кык сюрс тямыс сю дас кык;7Еламлэн пиосыз – сюрс кык сю витьтон ньыль;8Заттуйлэн пиосыз – укмыс сю ньыльдон вить;9Закхайлэн пиосыз – сизьым сю куатьтон;10Ванийлэн пиосыз – куать сю ньыльдон кык;11Бебайлэн пиосыз – куать сю кызь куинь;12Азгадлэн пиосыз – сюрс кык сю кызь кык;13Адоникамлэн пиосыз – куать сю куатьтон куать;14Бигвайлэн пиосыз – кык сюрс витьтон куать;15Адинлэн пиосыз – ньыль сю витьтон ньыль;16Атерлэн пиосыз, Езекиялэн выжыысьтыз – укмыстон тямыс;17Бецайлэн пиосыз – куинь сю кызь куинь;18Иоралэн пиосыз – сю дас кык;19Хашумлэн пиосыз – кык сю кызь куинь;20Гиббарлэн пиосыз – укмыстон вить;
21Вифлеемысь потэмъёс – сю кызь куинь;22Нетофаысь потэмъёс – витьтон куать;23Анафофысь потэмъёс – сю кызь тямыс;24Азмавефысь потэмъёс – ньыльдон кык;25Кириаф-Иаримысь, Кефираысь но Беерофысь потэмъёс – сизьым сю ньыльдон куинь;26Рамаысь но Геваысь потэмъёс – куать сю кызь одӥг;27Михмасысь потэмъёс – сю кызь кык;28Вефильысь но Гайысь потэмъёс – кык сю кызь куинь;29Невоысь потэмъёс – витьтон кык;30Макбишысь потэмъёс – сю витьтон куать;31мукетызлэн Еламлэн пиосыз – сюрс кык сю витьтон ньыль мурт;32Харимлэн пиосыз – куинь сю кызь мурт;33Лиддаысь, Хадидысь, Оноысь потэмъёс – сизьым сю кызь вить;34Иерихонысь потэмъёс – куинь сю ньыльдон вить;35Сенаяысь потэмъёс – куинь сюрс куать сю куамын.
36Священникъёс: Иисус юртысь Иедаиялэн пиосыз – укмыс сю сизьымдон куинь;37Иммерлэн пиосыз – сюрс витьтон кык;38Пашхурлэн пиосыз – сюрс кык сю ньыльдон сизьым;39Харимлэн пиосыз – сюрс дас сизьым.
40Левитъёс: Годавиялэн Иисус но Кадмиил пиосыз – сизьымдон ньыль;41кырӟасьёс: Асафлэн пиосыз – сю кызь тямыс;42капка возьмасьёслэн пиоссы: Шаллумлэн пиосыз, Атерлэн пиосыз, Талмонлэн пиосыз, Аккувлэн пиосыз, Хатиталэн пиосыз, Шовайлэн пиосыз – ваньмыз-ӧвӧлэз сю куамын укмыс.
43Нефинейёс*а: Цихалэн пиосыз, Хасуфалэн пиосыз, Таббаофлэн пиосыз,44Керослэн пиосыз, Сӥагалэн пиосыз, Фадонлэн пиосыз,45Лебаналэн пиосыз, Хагабалэн пиосыз, Аккувлэн пиосыз,46Хагавлэн пиосыз, Шамлайлэн пиосыз, Хананлэн пиосыз,47Гидделлэн пиосыз, Гахарлэн пиосыз, Реаиялэн пиосыз,48Рецинлэн пиосыз, Некодалэн пиосыз, Газзамлэн пиосыз,49Уззалэн пиосыз, Пасеахлэн пиосыз, Бесайлэн пиосыз,50Асналэн пиосыз, Меунимлэн пиосыз, Нефисимлэн пиосыз,51Бакбуклэн пиосыз, Хакуфалэн пиосыз, Хархурлэн пиосыз,52Бацлуфлэн пиосыз, Мехидалэн пиосыз, Харшалэн пиосыз,53Баркослэн пиосыз, Сӥсралэн пиосыз, Фамахлэн пиосыз,54Нециахлэн пиосыз, Хатифалэн пиосыз,55Соломонлэн ляльчиосызлэн пиоссы: Сотайлэн пиосыз, Гассоферефлэн пиосыз, Ферудалэн пиосыз,56Иаалалэн пиосыз, Дарконлэн пиосыз, Гидделлэн пиосыз,57Сефатиялэн пиосыз, Хаттиллэн пиосыз, Похереф-Гаццебайимлэн пиосыз, Амийлэн пиосыз, –58нефинейёс но Соломонлэн ляльчиосызлэн пиоссы – ваньмыз куинь сю укмыстон кык мурт.
59Тани, Тел-Мелахысь, Тел-Харшаысь, Херуб-Аддан-Иммерысь потэмъёс, кудъёсыз вераны ӧз тодэ, кыӵе выжыысь, улыос-бечеос пӧлысь потэмзэс – Израиль калык пӧлысь-а соос луо:60Делайалэн пиосыз, Товиалэн пиосыз, Некодалэн пиосыз – куать сю витьтон кык мурт.61Священникъёслэн пиоссы пӧлысь: Хабайалэн пиосыз, Гаккоцлэн пиосыз, Верзеллийлэн пиосыз, кудӥз Галаадысь Верзеллийлэсь нылзэ кышно басьтӥз но соослэн нимынызы нимаськыны кутскиз.62Соос ӵыжы-выжызы сярысь гожъямез утчазы но сое ӧз шедьтэ, со понна ик соос священникъёс радысь куштэмын.63Тиршафа соослы шуиз, уримен, туммимен священник потытозь, быдӟым святыняез медам сие.
64Быдэс мерлыке-обществое пыре вал ньыльдон кык сюрс куинь сю куатьтон адями;65соослэн ляльчиоссы, ляльчи кышнооссы – сизьым сюрс куинь сю куамын сизьым мурт; соос бордын вал на кырӟась пиос, кырӟась нылъёс – кык сю мурт.66Сизьым сю куамын куать валъёссы вал, кык сю ньыльдон вить мулъёссы;67ньыль сю куамын вить верблюдъёссы, куать сюрс сизьым сю кызь ишакъёссы.
68Улы-бечеослэн кузёоссы пӧлысь куд-огез, Иерусалимысь Кузё-Инмарлэн корка дораз вуыса, Инмар коркаез инъет бордысеныз ӝутон-выльдон понна жалятэк ваньбурзэс сётъязы.69Ваньзэс-ӧвӧлзэс чакласа, соос ужез нуонлы ваньбур люкан шыкысэ куатьтон одӥг сюрс драхма зарни, вить сюрс мина азвесь, священникъёслэсь сю дӥсянзэс сётӥзы.
70Священникъёс, левитъёс, калык, кырӟасьёс-чирдӥсьёс, капка возьмасьёс, нефинейёс асьсэ городъёсын улыны кутскизы, вань Израиль калык аслаз городъёсаз улыны интыяськиз.
*а 2:43 нефинейёс – храмын ужаса, юрттӥськыса улӥсьёс
Глава 2
