Choose Language
Old Testament Books
New Testament Books
2-тӥ книга
1Иеровоам дас тямысэтӥ арзэ эксэйын пукыку, Иудеялы эксэе Авия пуксиз,2Иерусалимын со куинь ар ӵоже эксэй пуконын пукиз; анаезлэн нимыз Михаия, Гиваысь Урииллэн нылыз. Авия Иеровоамен ожмаськоно луиз.3Авия ожмаськонэ ньыль сю сюрс быръем, кышкасьтэм ожгарчиосты поттӥз; нош Иеровоам солэн пумитаз султӥз тямыс сю сюрс ожгарчиосын, соос но быръемын, кышкасьтэмесь вал.4Ефрем гурезьёс пӧлысь Цемараим нимо гурезе Авия султӥз но тазьы вераз: «Иеровоам но вань израиль калык, монэ кылзэ!5Тӥ уд тодӥське-а, Израильлэн Инмарез Кузё-Инмар Давидэз пумтэм вапумъёс ӵожелы Израильлы эксэе пуктӥз, солы но, солэн пиосызлы но эксэйлыкез сылалэн юнматэм [ноку бырисьтэм] сӥзён пыр сётӥз?6Нош Наватлэн Иеровоам пиез, Давидлэн Соломон пиезлэн ляльчиез, кузёезлы пумит ӝутскиз.7Со котыре люкаськизы тырттэм сюлэмо адямиос, азэм-сӧриськем муртъёс, Соломонлэн Ровоам пиезлы пумит кариськизы; нош Ровоам егит на вал, сюлмыныз ляб мылкыдо, соослы пумит сылыны ӧз чида.8Али но тӥ малпаськоды Давидлэн пиосызлэн киысьтызы Кузё-Инмарлэн эксэйлыкезлы пумит сылыны, уго тӥ туж трос кузя, тӥляд кияды Иеровоамлэн тӥледлы инмар карыса лэсьтэм зарни ошпиосыз.9Тӥ ӧд уллялэ-а Ааронлэсь пиоссэ – Кузё-Инмарлэсь священникъёссэ, левитъёсты но, соос интые мукет музъемъёсын улӥсь священникъёссылы укшасьёсты ӧд пуктэ-а? Ваньмыз, кинъёс асьсэос священнике пуксьыны сьӧразы ошпи, сизьым така вайыса лыкто, соос ӧрекчи инмаръёстылы священник луо.10Нош милям – Кузё-Инмар милям Инмармы; ми Со дорысь ӧм палэнскылэ, асьсэ ужзы бордын Кузё-Инмарлы ужаса-тыршыса уло священникъёс – Ааронлэн пиосыз – но левитъёс.11Котькуд ӵукна, котькуд ӝыт соос Кузё-Инмарлы тылын сутӥськись курбон ӝуато, ческыт зыно фимиам ӵындыто, чылкыт ӝӧк вылэ радэн нянь тыро, зарни светильникез ӝуато, лампадаоссэ но, ӝытлы быдэ мед ӝуалозы шуыса, уго ми Инмармылэсь Кузё-Инмарлэсь пуктон-косонзэ быдэсъяса улӥськомы, нош тӥ Солэсь палэнскиды.12Тани, милям валтӥсьмы Инмар, Солэн священникъёсыз но, бадӟым куара поттӥсь гумыос но тӥледлы пумит куаш поттон понна. Израиль пиос! Атайёстылэн Инмареныз Кузё-Инмарен эн ожмаське, – азинлык уд басьтэ».
13Со виын Иеровоам соослэн мышказы ватӥськыса улӥсь отрядэн ожгарчиосты ыстӥз, озьы луиз: ачиз иудейёслэн азьпалазы сылӥз, нош ожгарчиосыз ышыг интыын ватӥськыса сылӥзы.14Иудейёс котырак учкизы но валазы: соослы азьпалласянь но, мышласянь но ожмаськыны кулэ; соос сюлворыса Кузё-Инмарлы черетскизы, нош священникъёс гумыоссэс пелляны кутскизы.15Иудейёс черетскизы. Иудейёс черетскыку, Инмар Иеровоамез но, вань израиль ожгарчиосты Авиялэн но Иудалэн азязы погыртӥз.16Израиль пиос иудейёс дорысь бызьыса пегӟыны кутскизы, Инмар соосты иудей пиослэн киулазы сётӥз.17Авия но солэн калыкез соосты зол тарказы; Израильлэн вить сю сюрс быръем ожгарчиосыз виемын вал.18Соку израиль пиос зӥбломизы, иудей пиос кужмоесь вал, малы ке шуоно соос атайёссылэн Инмарзы Кузё-Инмар вылэ оскиськыса улӥзы.19Авия Иеровоам бӧрсьы уйиськыса мынӥз но солэсь таӵе городъёссэ киултӥз: Вефилез но со вӧзысь гуртъёсты, Иешанаез но со вӧзысь гуртъёсты, Ефронэз но со вӧзысь гуртъёсты.20Авия улон нуналъёсы Иеровоам кужым люканы ӧз ни быгаты. Кузё-Инмар сое погыртӥз но, со кулӥз.21Нош Авия кужмояз; аслыз дас ньыль кышно басьтӥз но солэн кызь кык пиосыз, дас куать нылъёсыз вордскизы.
22Авиялэн мукет ужъёсыз, выросъёсыз, кылъёсыз Адда пророклэн мадёназ гожтэмын.
Глава 13
