Choose Language
Old Testament Books
New Testament Books
2-тӥ книга
1Ровоамлэн эксэйлыкез юнмам, кужмо луэм бере со Кузё-Инмарлэн законэз бордысь палэнскиз, соин ӵош – быдэс Израиль но.
2Ровоам витетӥ арзэ эксэйын пукыку, Египетлэн Сусаким эксэез Иерусалим вылэ ожен мынӥз – еврей калык Кузё-Инмарлэсь палэнскемен сэрен.3Сюрс кык сю ожмаськон уробоосын, вал вылын мынӥсь куатьтон сюрс ожгарчиосын со лыктӥз, нош соин ӵош лыктэм калык лыдъянтэм трос вал – Египетысь, Ливияысь, Сукхитысь, Эфиопияысь потэмъёс;4Иудеяысь юнматэм городъёсты киултӥз но Иерусалим доры вуиз.5Соку Самей пророк Ровоам доры, Сусакимлэсь пегӟыса Иерусалиме лыктэм Иудеялэн кивалтӥсьёсыз доры лыктӥз, со шуиз: «Тазьы шуэ Кузё-Инмар: ”Тӥ Монэ кельтӥды, со понна ик Мон но тӥледыз Сусаким кие кельто”».6Израильлэн кивалтӥсьёсыз, эксэй но зӥбломизы, соос шуизы: «Шонерлыко Кузё-Инмар!»7Кузё-Инмар соослэсь зӥбыт кариськемзэс адӟем бераз Самейлы таӵе кылъёс вераз: «Соос зӥбыт луизы; уг быдты соосты, ӝоген соосты мозмыто, Мынам вожпотонэ Сусакимлэн киыныз Иерусалим вылэ уз кисьтӥськы;8озьы ке но соос солэн ляльчиосыз луозы, мед тодозы, кызьы кулэ Мыным ужаса-тыршыса улыны, кызьы кулэ музъем вылысь эксэйлыкъёслы служить карыны».9Египетлэн Сусаким эксэез Иерусалиме лыктӥз но Кузё-Инмарлэн коркасьтыз ваньбурез, эксэй коркась ваньбурез басьтӥз; зарни щитъёсты но, кудъёссэ Соломон лэсьтӥз вал, ваньзэ басьтӥз.10Соос интые Ровоам ыргонлэсь щитъёс лэсьтӥз но соосты эксэй корка пыронын возьмаськись, мугор возьмасьёслэн кивалтӥсьёссылы сётӥз.11Эксэй Кузё-Инмарлэн корказ потыку, мугор возьмасьёс лыктыса соосты нуизы, собере нош ик соосты мугор возьмасьёслэн корказы нуллӥзы.12Со зӥбыт кариськиз но, соку Кузё-Инмарлэн вожпотонэз со дорысь палэнскиз, сое пумозяз ӧз быдты; уго Иудеяын но мар но со ӟечез вал.
13Ровоам эксэй Иерусалиме юнматскиз, эксэй луыса кивалтӥз. Эксэе пуксьыкуз, Ровоамлы ньыльдон одӥг арес вал, дас сизьым ар ӵоже Иерусалимын эксэй пуконын пукиз, – городын, кудзэ Кузё-Инмар вань израиль выжыос пӧлысь бырйиз, отын Солэн нимыз мед улоз шуыса. Анаезлэн нимыз Наама, со аммон калык пӧлысь вал.14Со лек ужъёс лэсьтыса улӥз, малы ке шуоно аслэсьтыз сюлэмзэ ӧз поны Кузё-Инмарез утчан пала.
15Ровоамлэн ужъёсыз, нырысетӥосыз но, берпуметӥосыз но Самей пророклэн но азьпалэз адӟись Аддалэн ӵыжы-выжыосты гожъян книгаоссы пӧлын пусъемын. Вань нуналъёс ӵоже Ровоамен Иеровоамъёс ожмаськыса улӥзы.16Ровоам кулӥз но, сое атайёсыныз огазе Давидлэн городаз ватӥзы. Со интые Авия пиез эксэе пуксиз.
Глава 12
