Choose Language
Old Testament Books
New Testament Books
1Та бере Давид филистим калыкез погыртӥз, зӥбломытӥз соосты, филистим калыклэн киулысьтыз Давид Мефег-Гаамма городэз басьтӥз.2Моав калыкез погыртӥз, соосты, музъем вылэ выдтыса, гозыен мертаз; кык гозыен мертамъёсты виытӥз, одӥг гозыен мертамъёссэ улэп кельтӥз. Моав калык Давидлы ляльчи луиз, соос выт тырисьёс луизы.3[Ефрат] шур дурысь эксэйлыксэ берен аслыз карыны мынӥсь Сув кунлэсь эксэйзэ, Реховлэсь Адраазар пизэ, Давид погыртӥз.4Давид солэсь сюрс сизьым сю вал вылын мынӥсьёссэ, кызь сюрс пыдын мынӥсь ожгарчиоссэ басьтӥз; ожмаськон уробое кыткем вань валъёслэсь сӧнзэс (сӥнырзэс) Давид вандӥз, аслыз сю ожмаськон уроболы гинэ валъёс кельтӥз.
5Дамаскысь сири калык Сув эксэйлы, Адраазарлы, юрттыны лыктӥзы вал, но Давид сири калык пӧлысь кызь кык сюрс ожгарчиоссэ погыртӥз.6Дамаск Сирияе Давид возьмаськись ожгарчиосты пуктӥз, сири калык Давидлы ляльчи, выт тырись луиз. Давид кытчы гинэ ӧз мыны, котькытысен но сое Кузё-Инмар утиз.7Адраазарлэн ляльчиосызлэсь зарни щитъёссэс Давид басьтӥз но Иерусалиме вайиз. [Бӧрысь соосты, Соломонлэн Ровоам пиез кивалтон аръёсы, Египетлэн Сусаким эксэез, Иерусалим вылэ ожен лыктыкуз, сьӧраз нуиз.]8Адраазарлэн городъёсысьтыз, Бефаысь но Берофысь, Давид эксэй туж трос ыргон киултӥз. [Соломон солэсь ыргон зарезь лэсьтӥз, юбоос пуктылӥз, мисьтӥськонъёс, вань сосудъёсты солэсь лэсьтӥз.]
9Имафлэн Фой эксэез кылӥз, Давид Адраазарлэсь вань ожгарчиоссэ быдтӥз шуыса.10Адраазарен ожмаськемез понна, сое погыртэмез понна Фой Иорам пизэ Давид эксэй доры сое ӟечкыланы, тау карыны ыстӥз; уго Адраазар Фоен ожмаськыса улӥз. Иорамлэн кияз азвесь, зарни, ыргон сосудъёс вал.11Вань киултыса тэрытскись карем калыкъёслэсь талам азвесьсэс, зарнизэс кадь ик таосты но Давид эксэй Кузё-Инмарлы сӥзиз:12сири, моав, аммон, филистим, амалик калыкъёслэсь, Сув эксэйлэсь, Реховлэн Адраазар пиезлэсь, талам ваньбурзэ.
13Дас тямыс сюрс сири пиосты Сылало нёжалэ погыртэм бераз Давидлэн нимыз данэ потӥз.14Идумей музъеме возьмаськыны ожгарчиоссэ пуктӥз; быдэс Идумей шаере возьмаськыны ожгарчиоссэ пуктӥз, вань идумей калык Давидлы ляльчи луиз. Давид кытчы гинэ ӧз мыны, котькытысен но сое Кузё-Инмар утиз.15Быдэс Израилен Давид кузёяськыса улӥз, ас калыкезлы Давид шонер суд лэсьтыса улӥз.16Саруялэн Иоав пиез ожгарчиослэн кузёйырзы луиз; Иосафат, Ахилудлэн пиез, эксэйлэсь ужъёссэ гожъясь луиз;17Ахитувлэн Садок пиез, Авиафарлэн Ахимелех пиез священникъёс луизы, Сераия – гожъяськись;18Иодайлэн Ванея пиез хелефейёсын, фелефейёсын кивалтӥсь луиз, Давидлэн пиосыз эксэй юртын кивалтӥсь адямиос вал.
Глава 8
