Choose Language
Old Testament Books
New Testament Books
1Нош филистим калык жугиськиз израиль калыкен, израиль ожгарчиос филистим ожгарчиослэсь пегӟыны кутскизы, Гелвуй гурезе погразы-усьылӥзы.2Филистим ожгарчиос Саулэз но солэсь пиоссэ сутӥзы, Ионафанэз, Аминадавез, Малхисуаэз – Сауллэсь пиоссэ – виизы.3Сауллы пумит туж лек ож мынӥз, пукыӵен ыбылӥськисьёс сое ыбылӥзы, со туж яраё каремын вал.4Ожмаськон тӥрлыксэ нуллӥсьлы Саул шуиз: «Мечтэ потты но бышкалты монэ, та вандӥськымтэос, татчы вуыса, монэ медаз вие, медаз сантэмалэ». Но ожмаськон тӥрлык нуллӥсьлэн тае лэсьтэмез чик ӧз поты, уго со кышка вал. Соку Саул мечсэ кутӥз но со вылэ уськытскиз.5Ожмаськон тӥрлык нуллӥсь адӟиз Сауллэсь кулэмзэ но ачиз но меч вылаз уськытскыса кулӥз.
6Тазьы со нуналэ кулӥзы Саул, куинь пиосыз, ожмаськон тӥрлыксэ нуллӥсез, вань калыкез огазе кулӥзы-быризы.7Нёжалын но Иордан шурлэн тупалаз улӥсь израиль калык адӟиз израиль ожгарчиослэсь бызьыса пегӟемзэс, Сауллэсь но солэн пиосызлэсь быремзэс, соку соос городзэс кельтыса пегӟизы, нош филистим ожгарчиос отчы лыктыса интыяськизы.
8Мукетаз нуналэ филистим калык виылэмъёслэсь ваньбурзэс октыны лыктӥз, соку соос Гелвуй гурезе бырем Сауллэсь но солэн куинь бырем пиосызлэсь шӧйзэс шедьтӥзы.9[Сое кымалтӥзы], йырзэ ӵогизы, ожмаськон тӥрлыксэ октӥзы но быдэс Филистим музъеме келязы куалаосазы возиськись сульдэръёссылы но калыклы ивортон понна.10Ожмаськон тӥрлыксэ Астарталы сӥзем куалае понӥзы, нош мугорзэ Беф-Сан карлэн борддораз ошизы.
11Галаадысь Иависын улӥсьёс кылӥзы филистим калыклэсь Саулэн мар каремзэс,12вань кужмо адямиос султӥзы, быдэс уй ӵоже мынӥзы но Беф-Сан борддорысь Сауллэсь мугорзэ, пиосызлэсь но мугорзэс басьтӥзы, собере, Иависэ лыктыса, отын соосты сутӥзы.13Лыоссэс басьтӥзы но Иависысь тыпы улэ ватӥзы, сизьым нунал ӵоже визяса улӥзы.
Глава 31
