Bible
Choose Language
Old Testament Books
New Testament Books
ПСАЛТЫР
28 Псалом
1 Давидлӧн псалом. [Сьылӧны Чом вӧчан лунъяс помасигӧн.] Енэжвывса олысьяс, кыпӧдӧй ошкӧм Господьлы,
ошкӧй-нимӧдӧй Господьӧс!
2 Ошкӧй Господьлысь нимсӧ,
копыртчӧй Господь водзӧ Сылӧн мича вежаинын!
3 Господьлӧн гӧлӧс шыыс ва весьтын,
дзирдлуна Ен гымӧбтӧ,
Господь лэдзӧ гӧлӧс шысӧ ыджыд ва весьтын.
4 Господьлӧн гӧлӧс шыыс вына,
Господьлӧн гӧлӧс шыыс ён.
5 Господьлӧн гӧлӧс шыысь пӧрӧны сус пуяс,
Господь чегъялӧ ливанса сус пуяс.
6 Сылӧн гӧлӧс шыысь вӧрзьывлӧны керӧсъяс,
чеччалӧны куканьяс моз,
Ливан да Сирион
*а керӧсъяс чеччалӧны ӧшпиян моз.
7 Господьлӧн гӧлӧс шыыс лэдзӧ чардби.
8 Господьлӧн гӧлӧс шыысь вӧрзьывлӧ овтӧмин,
Господь пыркнитлӧ Кадеш овтӧмин.
9 Господьлӧн гӧлӧс шыысь вайсьӧны кӧръяс,
Сылӧн гӧлӧс шыысь кушмӧны вӧръяс.
Сылӧн крамын ставныс гораа шуалӧны: «Ошкӧм Сылы!»
10 Господь ыджыдалӧ ваяс вылын,
Господь ӧксыалӧ нэмъяс чӧж.
11 Господь сетас Аслас войтырлы вын,
Господь бурсиас Ассьыс войтырсӧ лӧньлунӧн.
*а 6 28:6 Видзӧд Инд. 3:9.
Глава 28
