Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
Гажано лыдӟись агай-выны, сузэре!
Тани асьмеос книгалэн йылаз-пумаз вуимы. Татын возьматэмын Библиын гожтэм куд-ог ужъюгдуръёс, но трос учыре соос вакчиятыса сётэмын.
Библия, мукет сямен вераса, Священной Гожтэм, – со Инмар Кыл. Дуннеысь одӥгез но книга, та книгамы но, Сое воштыны уг быгаты.
Гажано агай-вынъёс, сузэръёс, егит эшъёсмы! Ми тӥледлы ӵектӥськомы одно ик быдэс Библиез, яке солэсь Инмар Пилэн Иисус Христослэн вордскем бераз гожтэм Выль Сӥзён люкетсэ лыдӟыны.
Библия быдэс дунне вылын тужгес но лыдӟоно книга луэ. Дунне вылысь вань шаеръёсын миллион адямиос – пиналъёс но мӧйыос, огшоры ужасьёс но тодосчиос – нуналлы быдэ лыдӟо Библиез. Отысь соос шедьто улонэ, утиськонэ нуись сюресэз, буйгатӥсь, оскон сётӥсь кылъёсты.
Кузё-Инмар тазьы шуиз: «Ин но музъем бырозы, нош Мынам кылъёсы уз быре» (Мф. 24:35). Быдэс Библия, нырысетӥ чурысеныз кутскыса берпум чурозяз, – со Инмар Кыл. Библиын гинэ возиське Инмарлэн Кылыз, нокыӵе но мукет книгаын со уг возиськы. Мукет книгаос Библилэсь пуштроссэ гинэ усьтыны юртто.
Инмарлэсь Кылзэ нуналлы быдэ лыдӟы. Тынад сюлмад ялан чузъяськыса мед улозы Псалтирь книгаысь чуръёс: «Тынад кылыд пыд азьме югдытэ, улон сюресэлы югыт сётэ» (Пс. 118:105).
Христиан саламен,
Книга поттӥсьёс
518
