Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ТИМОФЕЙ
Лука евангелист кадь ик, Тимофей ялан Павел апостолэн огазьын вал. Та егит пияшлэн анаез еврейёс пӧлысь, нош атаез – грек калык пӧлысь потэмын вал. Аслэсьтыз улонзэ Инмар кие сётытозь, со тыршиз Ӟеч Иворез калыкъёс пӧлы вӧлмытонын.
Павел апостол Тимофейлы кык гожтэт ыстӥз. Тани со гожтэтъёсысь туж кулэ луись куд-ог малпанъёс, тодытонъёс:
Вань адямиос понна вӧсяськон: «Нырысь ик, мон курисько вань адямиос понна, эксэйёс, вань кузёос понна куриськыны, вӧсяськыны, дурбасьтыны, тау карыны, шыпыт, бугыръяськонъёстэк, шонерлыко, дун-чылкыт улыны мед быгатомы шуыса. Таӵе вӧсяськон асьмелэн Инмармылы, Утисьмылы ӟеч, ярамон луэ».
Периос дорысь потэм дышетонъёс: «Нош Инмарлэн Духез валамон вера: берпум аръёсы периос дорысь потэм дышетонъёсты санэ поныса но визез тугась духъёслэсь кылзӥськыса, куд-огъёсыз осконлэсь куштӥськозы».
Узырлык: «Вань уродлыклэн выжыез коньдонэз яратон бордысь потэ. Солы сётӥськыса, куд-огъёсыз осконлэсь куштӥськизы но трос секытэсь адӟонъёс адӟоно луизы. Нош тон, Инмар адями, таӵе улонлэсь палэнскы. Шонер, Инмарлэсь кышкаса, оскыса, яратыса, чидаса, зӥбыт-востэм улонын азинлыкед мед луоз».
Осконлэн ӟеч ужез: «Быронтэм улон басьтон понна, осконлы ярамон уж лэсьтыны тыршы. Таӵе улонлы тонэ Инмар ӧтиз, трос адӟисьёс азьын осконэз тодытыса тон ӟеч верад».
Инмар азьын ӟеч ужась-тыршись луон: «Инмар азьын шонерлыко улонлы астэ кыдаты. Вераськонэд, улонэд, яратонэд, духен улонэд, осконэд, дун-чылкыт улонэд оскись калыклы адӟем карымон мед луоз. Мон лыктытозь, калыклы Священной Гожтэмез лыдӟы, визь-нод сётъяса, дышетыса ул соосты».
Тимофейлы ыстэм 1-тӥ но 2-тӥ гожтэтъёс
504 
