Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
КИЗИСЬ СЯРЫСЬ МАДЁН
Иисус калыклы кизись сярысь мадён вераз: «Тани, кизись кизьыны потӥз. Кизьыкуз куд-огез кидысэз сюрес дуре усем, тылобурдоос вуиллям но кукчаса быдтӥллям. Куд-огез ӧжыт сюё, изо интые усем, ӝоген удаса потэм, малы ке шуид, сюез мур вылымтэ. Шунды потэм но, шуям, выжыез ӧвӧл бере, куасьмем. Куд-огез бышкись будосъёс пӧлы усем, бышкись будос ӝужам но ӝокатэм сое. Куд-огез ӟеч музъеме усем но будыса емыш ваем: огез сю полэс, нош мукетыз – куатьтон, куд-огез – куамын полэс. Кылыны пельыз вань мурт мед кылоз!»
Собере Иисус та мадёнлэсь пуштроссэ усьтыса вераз: «Котькуд адями доры, кин Эксэйлык сярысь кылэз кылзӥське, нош визьмыныз сое уг вала, шайтан лыктэ но, солэн сюлэмаз мар кизиськемын, сое лушка – тӥни кинэ возьматэ сюрес дуре кизиськем. Нош изо интые кизиськемез возьматэ сыӵе муртэ, кин кылэз кылэ но соку ик сое шумпотыса кабыл басьтэ. Нош аслаз пушказ выжыез ӧвӧл, мылкыдыз вошъяськись: вуэ ке куректон яке кыл понна уллян, соку ик сьӧлыке пыре. Бышкись будосъёс пӧлы кизиськемез возьматэ сыӵе муртэ, кин кылэз кылэ, но таизлэн дуннелэн сюлмаськонэз, узырлыклы синмаськон кылэз ӵоксало, соин ик со емыш уг сёты. Нош ӟеч музъеме кизиськемез возьматэ сыӵе муртэ, кин кылэз кылэ, сое вала но емыш сётӥсь луэ: огез сю полэс емыш сётэ, куд-огез – куатьтон полэс, нош куд-огез – куамын полэс».
Матфейлэсь Ӟеч Ивор 13:3-9, 18-23
344 
