Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИИСУСЛЭН ВОРДСКЕМЕЗ СЯРЫСЬ ӞЕЧ ИВОР
Калыкъёсты сьӧлыкъёслэсь, пумтэм вапумъёслы быронлэсь мозмытон понна, Инмар Аслэсьтыз Пизэ, Иисус Христосэз, та сьӧлыко музъем вылэ ыстӥз. Кутсконэз тазьы вал: Израильлэн уйпал люкетаз, пичи гинэ Назарет карын улӥз Мария нимо Нылмурт. Со Инмарез ӟырдыт яратӥз, чылкыт сюлмын улӥз. Кузё-Инмарлэн ыстэм Гавриил кылчинэз Со доры лыктыса шуиз: «Шумпот, Дэлето! Кузё-Инмар Тонэныд; кышноос куспын Тон бакель каремын». Кылчинэз адӟыса, солэн кылъёсызлэсь Мария кепыраз. Но кылчин Солы шуиз: «Эн кышка, Мария, Тон Инмар дорын дэлет басьтӥд. Тани Тон секытэн луод, Пи ваёд, Солы Иисус ним сётод. Со луоз быдӟым, Вылысь Инмарлэн Пиез шуыса нимаськоз. Солы Кузё-Инмар Давидлэсь, Солэн атаезлэсь, эксэй пуконзэ сётоз. Пумтэм дауръёс ӵоже Иаковлэн юртэзлы Со эксэй луоз, Солэн Эксэйлыкезлэн пумыз уз луы».
Мария соку бызьымтэ на вал, но курамын вал ини Инмарлы мур оскись Иосиф нимо пиосмуртлы. Мария кылчинлы шуиз: «Кызьы та луыны быгатоз, куке Мон пиосмуртэз уг тодӥськы?» Кылчин Солы ответ сётыса шуиз: «Святой Дух Тон вылэ васькоз, Вылысь Инмарлэн кужымез Тонэ шобыртоз. Соин ик, Тынэсьтыд вордӥськем Дун-Сьӧлыктэм, Инмар Пи шуыса нимаськоз». Соку Мария шуиз: «Мон Кузё-Инмарлэн ляльчиез; тынад кылыдъя Мыным мед луоз». Собере кылчин Со дорысь палэнскиз.
Мариялэсь пинал ваёно луэмзэ тодэм бераз, Солэн кузпалыз Иосиф, шонер улӥсь мурт, Сое лэзьыны малпаз. Соку Кузё-Инмарлэн кылчинэз солэн уйвӧтаз возьматскыса шуиз: «Иосиф, Давидлэн пиез! Эн кышка Марияез ас дорад пыртыны: Со пушкысь вордӥськоно Нуны Святой Духлэсь луэмын уго. Пи нуны ваёз но, тон Солы Иисус ним сётод. Ас калыксэ Со сьӧлыкъёслэсь утёз».
Лукалэсь Ӟеч Ивор 1:26-35; Матфейлэсь Ӟеч Ивор 1:19-21
290 
