Слово Твое - светильник ноге моей и свет стезе моей

Библия на финно-угорских языках



Библейские рассказы

Выбрать язык


Выбрать рассказ Ветхого Завета

Выбрать рассказ Нового Завета

ДУННЕ КЫЛДЫТОНЭЗ АЗЬЛАНЬТОН

«Инмар шуиз: нуналэз уйлэсь висъян понна, вапумъёсты, нуналъёсты, аръёсты тодман понна, инбамын югыт сётӥсь макеос мед луозы; музъемез югдытон понна, соос инлэн юн маке вылаз югдытыса улӥсьёс мед луозы. Тазьы ик луиз.

Инмар кык туж бадӟымесь югдытӥсь макеосты кылдытӥз: бадӟымзэгес югдытӥсь макеез нуналэн кивалтон понна, пичизэгес югдытӥсь макеез – уен кивалтон понна; кизилиосты кылдытӥз.

Музъем вылэ югыт сётон понна, нуналэн но уен кивалтон понна, югытэз пеймытлэсь висъян понна Инмар соосты инбаме пуктӥз. Инмар адӟиз, та умой шуыса.

Ӝыт вал, ӵукна вал: ньылетӥез нунал.

Инмар шуиз: уяса, нюж кыстӥськыса ветлӥсьёсын вуос мед пачылмозы; музъем вылтӥ, инметӥ тылобурдоос мед лобалозы.

Инмар кылдытӥз бадӟымесь чорыгъёсты, пӧртэм пумо нюж кыстӥськыса ветлӥсьёсты, озьы ик пӧртэм тылобурдоосты. Инмар адӟиз, та умой шуыса.Инмар соосты бакель кариз: йылэ, трос луэ, зарезьысь вуосты тырмытэ, музъем вылэ тылобурдоос мед йылозы шуиз.

Ӝыт вал, ӵукна вал: витетӥез нунал.

Инмар шуиз: музъем вылэ пӧртэм пумо улэп макеос мед потозы: пудо-животъёс, нюж кыстӥськыса ветлӥсьёс, луд пӧйшуръёс. Тазьы ик луиз.

Инмар кылдытӥз пӧртэм пумо луд пӧйшуръёсты, пудоосты, музъем вылтӥ вань нюж кыстӥськыса ветлӥсьёсты. Инмар адӟиз, та умой шуыса».

Ваньзэ лэсьтыны-пӧрмытыны Быгатӥсьлэн Кылыныз кылдытэм музъем ненег шунды сиос улын эзыласа, майбыр улӥз, паймымон чебер адӟиськиз. Но та кылдытонлэн пумыз ӧй вал на. Та паймымон чебер дунне вылын улыны Инмар адямиосты кылдытӥз, соос ас Кылдытӥсенызы тупаса мед улозы шуыса малпаз.

Улон-вылон 1:14-25


предыдущий рассказ 16 следующий рассказ