Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
НЭМ ПОМАСЬÖМ ЙЫЛЫСЬ
Библияын гижöма, мый Исус мöдысь на локтас му вылö. Но та водзвылын лоасны ыджыд шогъяс. Та йылысь Исус висьтавлiс тадзи:
«Видзчысьöй, мед эз ылöдны тiянöс. Унаöн Менам нимöн локтасны да шуасны, ме пö Кристос, да унаöс ылöдасны. Тi кыланныд тыш мунöмъяс да тыш йылысь юöръяс. Энö полöй, тайö ставыслы колö лоны. Сöмын тайö абу на пом. Войтыр войтырлы паныд сувтас, муяс öта-мöдныслы паныд кыпöдчасны. Уналаын лоас му вöрöм да тшыгъялöм, йöзсö суас кулан висьöм. Но тайö ставыс чужтöм водзвывса дойяс на.
Тiянöс пондасны дзескöдны да унаöс виасны. Менам ним вöсна став йöзыс мустöмтасны тiянöс. Сэки унаöн эновтчасны эскöмсьыс, öта-мöднысö вузаласны да мустöмтасны. Уна ылöгпророк локтас, унаöс найö ылöдасны. Лёкыс содöм вöсна уналöн муслуныс кöдзалас. Но сьöкыдсö помöдз нуысь мездмас. Ен Юралöм йылысь Евангелльöсö висьталасны муюгыд пасьтала, быд кыла войтырлы тöдмöнъя. Сэсся воас пом.
Шог лунъяс бöрын шондiыс пемдас, тöлысьыс кусас, енэжысь кодзувъяс усясны, енэжвыв вынъяс вöрзясны. Сэки енэжас тыдовтчас Морт Пилöн пас. Мувывса став йöзыс ырзöмöн бöрддзасны, кор аддзасны кымöръяс вылын ыджыд вынöн да дзирдлунöн локтысь Морт Пиöс».
«Енэжыс да муыс бырас, а Менам кывъясöй оз бырны, – шуис Исус. – Сiйö лунсö да сiйö кадсö некод оз тöд. Анделъяс оз тöдны, сöмын Батьöй тöдö. Лоöй дасьöсь, öд онö тöдöй, кор Господьныд локтас».
Матвей 24:4-14, 29-42
404 
