Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ВÖРЗЬÖДЧЫНЫ ВЕРМЫТÖМÖС БУРДÖДÖМ
Быдласянь йöзыс волывлiсны кывзыны Исусöс. Сiйö велöдiс да бурдöдалiс найöс. Öти висьысьöс, вöрзьöдчыны вермытöм мортöс, ёртъясыс вайисны Исус дiнö. Найö кöсйисны пыртны сiйöс керкаö, медым пуктыны Исус водзö. Но уна йöз вöсна пыртнысö эз вермыны. Сэки кайисны керка вылö, разисны вевтсö да сэтi лэдзисны висьысьöс вольпасьнас Исус водзö. Налысь эскöмсö аддзöмöн Исус шуис висьысьлы: «Мортöй, тэнсьыд мыжъястö прöститöма».
Сэнi пукалiсны тшöтш фарисейяс да Индöдö велöдысьяс. Найö мöвпалiсны: «Кодi тайö? Сiйö Енмöс омöльтö. Ен кындзи вермас-ö кодкö прöститны мыжъяс?» Налысь мöвпъяссö тöдöмöн Исус шуис: «Мыйла тi мöвпаланныд тадзи? Мый кокньыдджык шуны: ”Тэнсьыд мыжъястö прöститöма” либö ”Чеччы да ветлы”? Öнi тi тöдмаланныд: Морт Пи вермö прöститны мыжъяс му вылын». Сэсся шуис висьысьлы: «Тэныд шуа: чеччы, босьт вольпасьтö да мун гортад».
Ставныслöн син водзын сiйö чеччис, босьтiс вольпасьсö да мунiс гортас Енмöс ошкигтырйи. Йöзыс чуймисны да полöмöн тырины. Найö ошкисны Енмöс да шуалiсны, талун пö ми вöвлытöмтор аддзылiм.
Лука 5:17-26
328 
