Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ТЫВ КОСЯСЬМÖН ЧЕРИ ШЕДÖМ
Öтчыд Исус сулалiс Генесарет ты дорын. Сiйöс кытшалiсны йöзыс, мед кывзыны Енлысь Кывсö. Вадорысь Исус аддзис кык пыж. Чери кыйысьяс пыж дораныс мыськалiсны тывъяснысö. Исус пуксис Симон пыжö да корис сiйöс йöткыштчыны вадорсьыс. Пыжсянь Исус пондiс велöдны йöзсö.
Велöднысö помалöм бöрын Исус шуис Симонлы: «Сын джуджыдiнас. Сэтчö чöвтöй тывъяснытö». Симон воча шуис: «Велöдысьöй, ми войбыд мырсим, весиг öти чери эз шед, но Тэнад тшöктöм серти чöвта». Чöвтлöм бöрын тыв косясьмöн чериыс шедi. Сэки кинас öвтыштiсны мöд пыжын пукалысьяслы, корисны ёртъяссö отсавны. Найö локтiсны, сэсся кыкнан пыжсö вöян выйöдзыс тыртiсны чериöн. Тайöс аддзöм бöрын Симон-Петыр уськöдчис Исус водзö да шуис: «Господьöй, мун ме дiнысь! Ме мыжа морт». Сiйö шуис тайöс полöмысла. Но Исус шуис Симонлы: «Эн пов. Öнiсянь пондан кыйны йöзöс».
Кад мысти Симон збыльысь кутiс висьтавны Исус йылысь, и уна йöз бергöдчис Енлань.
Лука 5:1-10
326 
