Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
АНДЕЛ ЮÖРТÖ МЕЗДЫСЬЛÖН ЧУЖÖМ ЙЫЛЫСЬ
Лёкнас тырöм му вылö Ен ыстiс Ассьыс Писö, Исус Кристосöс, медым мездыны йöзсö мыжъясысь. Исуслöн чужöмсянь му вылын пуксис выль кадколаст. Сiйö кадсянь заводитчис нэмъяс арталöм.
Исус Кристослöн чужöмыс шензьöдана. Ичöтик Назарет карын, Израиль войвылын, олiс Мария нима ныв. Тайö сöстöм сьöлöма нылыс ёна радейтiс Енмöс. Öтчыд сылы петкöдчис Гавриил андел да шуис: «Нимкодясь, бурсиöм аньöй! Господь тэкöд!» Мария шöйöвошис. Но андел шуис сылы: «Эн пов, Мария, тэныд вичмис Енсянь буралöмыс. Тэ сьöктан, чужтан пи да пуктан Сылы Исус ним. Ыджыд морт Сыысь петас, Сiйöс шуасны Медвылыссалöн Пиöн. Господь Ен сетас Сылы Давид батьыслысь юралан пуклöссö. Сiйö кутас ыджыдавны Яков котырын нэмъяс чöж, да СылöнЮралöмлы оз ло помыс».
Мария сэки эз на вöв верöс сайын, вöлi сöмын кикутöма*а Öсип нима морткöд. Öсип радейтiс Енмöс да олiс вежавидзöмöн. Мария юалiс анделлысь: «Вермас öмöй тадзисö лоны, ме öд ныв на?» Андел вочавидзис: «Вежа Лов*б лэччас тэ вылö, Медвылыссалöн выныс вевттяс тэнö. Та вöсна тайö чужысьыс вежа, Сiйöс шуасны Ен Пиöн». Мария воча шуис: «Ме Господьлöн кесйöг, мед лоас тэнад висьталöм серти». Сэсся андел мунiс.
Öсип кор тöдмалiс, мый Мария виччысьö кага, кöсйис эновтны сiйöс. Но андел öлöдiс сiйöс вöтас: «Öсип, Давид пи, эн пов босьтны Мариятö гöтырö. Сьöлöм улас сылöн кагаыс Вежа Ловсянь. Марияыд чужтас пи, пуктан Сылы Исус ним, Сiйö мездас Ассьыс войтырсö мыжъяссьыныс».
Лука 1:26-35,38, Матвей 1:19-21
*а кикутны – обручиться
*б Вежа Лов – Святой Дух
290 
