Библия
Выбрать язык
Книги Ветхого Завета
Книги Нового Завета
с русским текстом
PSALMOIDEN KIRJ
91 Psalm
1Psalm. Sobatpäivän pajo.2Hüvä om kitta Ižandad,
pajatada sinun nimele, Ülähäine,
3sanelda homendesel sinun armoiden polhe,
a öl sinun toden polhe,
4heläites liral da
vätes kümnekeližel arfal.
5Sinä, Sur’ Sünduižem, ihastoitid mindai ičeiž tegoil,
minä olen ihastusiš sinun käziden radol.
6Miččed sured oma sinun radod, Sur’ Sünduižem!
Miččed süväd oma sinun meled!
7El’getoi ei teda sidä,
meletoi ei el’genda:
8hot’ jumalatomad kazvaba-ki kuti hein,
a käsköidenmurendajad änikoičeba,
hö kadoba igäks.
9A sinä, Sur’ Sünduižem, oled Ülähäine igän.
10Sinun vihanikad, Sur’ Sünduižem,
sinun vihanikad koleba,
kaik värintegijad kadoba.
11A minun vägi libub kuti mechärgän sarv,
sinä oled voidanu mindai veresel pühävoil.
12Minun sil’mäd nägeba vihanikoiden kadondad,
minun korvad kuleba vastustajiden judun sambundad.
13Tozioiktad viherdaba kuti pal’mad,
kazvaba kuti kedrad Livanas.
14Heid ištutadihe Ižandan pühäkodihe,
hö änikoičeba Jumalan ezitanhas.
15Hö vanhoin-ki toba satusid,
oma vihandad da täuded sokud.
16Hö sanuba Ižandan tozioiktudes.
Hän om kuti kal’l’, hänes ei ole värut.
Глава 91
