Библия
Выбрать язык
Книги Ветхого Завета
Книги Нового Завета
с русским текстом
PSALMOIDEN KIRJ
28 Psalm
Davidan psalm. Lehtezpertižen praznikan lopus.1Jumalan poigad, ozutagat, miše pidät Ižandad sures arvos,
tundustagat Ižandan hoštotez i sur’ arv!
2Tundustagat Ižandan nimen sur’ arv,
kumarkatoiš hänen hoštajan pühüden edehe!
3Ižandan än’ kulub veziden päl,
hoštotesen Jumal jüraidab,
Ižandan än’ kulub suriden veziden päl.
4Ižandan än’ om vägekaz,
Ižandan än’ om täuz’ väged.
5Ižandan än’ katkoib kedroid,
Ižand katkoib Livanan kedroid
6i käskeb niid hüppida vazan kartte,
Livan i Sirion hüppiba noren mechärgan kartte.
7Ižandan än’ iškeb lämoin kelid,
8Ižandan än’ säraidoitab tühjäd letemad,
Ižand säraidoitab Kades-letemad,
9Ižandan än’ käskeb pedroid poiktas,
se pal’l’astoitab mecoid.
Hänen pühäkodiš kaik sanub
hänen hoštoteses.
10Ižandan valdištim om veziden päl,
hän linneb kunigahan igän kaiken.
11Ižand andab vägen ičeze rahvahale,
mirul blaslovib Ižand ičeze rahvahan.
Глава 28
