Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ФЕССАЛОНИКА КАРЫН УЛӤСЬЁСЛЫ ЫСТЭМ НЫРЫСЕТӤ ГОЖТЭТЭЗ

Глава 2

2-тӥ ЛЮКЕТ

1Агай-вынъёсы, тӥ асьтэос тодӥськоды, милям тӥ доры ветлэммы юнме гинэ ӧй вал шуыса.2Нош талэсь азьвыл, кызьы тӥ тодӥськоды, Филиппы карысен трос курадӟонъёс, ултӥянъёс чидано луимы. Инмармы милемлы юрттӥз чик кышкатэк Инмарлэсь Ӟеч Иворзэ тӥ дорын тодытыны, туж ке но та ужлы пумитъяськизы.3Милям дышетонамы ӧрекчаськонэз, кескич малпанэз ӧвӧл, нокинэ но пӧяны ми ум тыршиське.4Инмарлэн Ӟеч Иворез тодытыны быръем адямиосыз кадь ми вераськомы. Адямиослы ум, Инмарлы яраны тыршыса вераськомы, – милесьтым сюлэмъёсмес чаклась-эскерисьлы.

5Кызьы тӥ тодӥськоды, тӥ азьын ноку но ми чеберъяськыса-пӧяськыса ӧм вераськылэ, асьмелы пайда поттон мылкыдмы но ӧй вал: Инмар адӟись!6Тӥлесьтыд но, мукетъёслэсь но адямиослэсь милемды данъямзэс ум утчаське:7Христослэн апостолъёсыз луиськомы бере, ми быгатысалмы тӥлесьтыд троссэ курыны, но ми тӥ пӧлын зӥбыт-востэм улӥмы, – нунызэ нонтӥсь анай кадь, кызьы со лякытэн утялтэ аслэсьтыз нылпиоссэ.8Ми тӥледыз вань лулынымы-сюлмынымы яратӥмы, соин ик Инмарлэсь Ӟеч Иворзэ гинэ ӧвӧл, асьмелэсь лулмес но тӥледлы сётыны дасесь вал, сокем тӥ милемлы дуноесь-гажаноесь луиды.9Агай-вынъёсы, тӥ тодӥськоды на милесьтым тыршеммес, жадьытозь-катьтэммытозь ужаммес. Уй но нунал ужамы, тӥледыз нокуддэс но акыльӟытытэк, Инмарлэсь Ӟеч Иворзэ тӥ дорын ми тодытӥмы.10Инмар но, тӥ но адӟисьёс луиськоды, кызьы ми дун-чылкыт, шонер, дун-шектэм тӥ азьын, оскисьёс азьын, асьмеды возимы.11Тӥ тодӥськоды уго, кызьы атай аслаз вордэм нылпиосыныз ассэ возе, озьы ик ми но тӥледын ваньмыныды асьмемыз возимы.12Ми тӥледыз куримы, ӝуткамы, сюлворимы, тӥляд улонды Аслаз Эксэйлыказ, пиштӥсь данлыказ ӧтись Инмарлы ярамон мед луоз шуыса.

13Ми дугдылытэк Инмарлы тау кариськомы на со понна но: тӥ, ми пыр Инмар кылэз кылыса, сое кабыл басьтӥды, адями кылэз кадь ӧд, Инмар кылэз кадь сое кабыл басьтӥды, – со зэмзэ ик сыӵе луэ, со тӥ пушкын, оскисьёс пушкын, улэ но ӟеч уж лэсьтэ.14Уго тӥ, агай-вынъёсы, Иудеяысь Христос Иисус бордын улӥсь Инмарлэн черкъёсызлэсь адӟонзэс чидано луиды: кызьы соос ас иудей калыксылэсь, озьы ик тӥ но ас калык выжыостылэсь курадӟытонъёссэс чидано луиды.15Соос виизы Иисусэз Кузё-Инмарез, Солэсь пророкъёссэ, милемды но уллязы; Инмарлы ярамон луыны уг тыршо, вань адямиослы пумитъяськыса уло,16язычникъёслы утиськон сярысь тодытонэз милемлы вераны люкето. Озьы соос асьсэлэсь сьӧлык мертэтсэс эшшо но пачыл каро; табере Инмарлэн вожпотонэз соос вылэ вуиз ни.

17Агай-вынъёсы, кӧня ке но дыр тӥледын люкиськыса улӥмы, лулынымы ӧм люкиськылэ, мугорынымы гинэ тӥлесьтыд люкиськыса улӥмы. Со понна тӥледыз туж адӟеммы потыса, тӥлесьтыд мӧзмыса улӥмы.18Соин ик ми, – нош мон, Павел, огпол гинэ ӧвӧл, кык пол но, – тӥ доры лыктыны ӧдъяськомы вал; но милемлы шайтан люкетӥз.19Уго Кузё-Инмармы Иисус Христос азьын, Солэн лыктон дыръяз, тӥ сяна, кин милям оскиськонмы, шумпотонмы, данъяськонмылэн венец изьыез?20Тӥ ук милям данъяськонмы, шумпотонмы.


предыдущая глава Глава 2 следующая глава