Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН КОРИНФ КАРЫН УЛӤСЬЁСЛЫ ЫСТЭМ КЫКЕТӤ ГОЖТЭТЭЗ

Глава 6

6-тӥ ЛЮКЕТ

1Нош ми, Инмарлэн ужасьёсыз-тыршисьёсыз, сюлворыса тӥледыз куриськомы: Инмарлэсь басьтэм дэлетты пайдатэк медаз быры.2Уго Со шуэ:

«Ӟеч вапуме Мон тонэ кылӥ, утиськон нуналэ Мон тыныд юрттӥськи». Тани, али со ӟеч вапум, тани, али со утиськон нунал!3Милесьтым ужан-тыршонмес медаз куаретэ шуыса, ми нокинлы номырин канжаськон ум пуктылӥське.4Котькытын но ми Инмарлэн ужась-тыршисьёсыз луонмылэсь данзэ утьыны тыршиськомы: куректон-кайгуосты чидаськомы, курадӟонъёсты, ёрмыса, ӝикаса улонъёсты адӟиськомы;5мыжганъёс-тышканъёс улын, пытсэтъёсын, улляса возьылыкузы, секыт ужаса, уйёсы изьытэк, визяса улон дыръёсамы;6дун-чылкыт, визьмын, кема чидаса, лякыт сямын, чылкыт яратонэн, Святой Дух бордын улыса;7зэмлыклэн кылыныз, Инмарлэн кужыменыз, бур ласянь но, паллян паласен но шонерлыклэн ожмаськон тӥрлыкеныз утиськыса;8сӥё-сано улонын но, сантэмаса возёнъёс дыръя но, тышкаськыса-керетыса улонын но, ушъяса-данъяса возёнъёс дыръя но. Милемыз ӧрекчаськисьёс шуыса лыдъяло, нош ми оскиськымонэсь.9Ми тодмотэмесь, нош милемыз ваньмыз тодмало; милемыз кулэмын ни шуыса лыдъяло, нош ми улэпесь.10Милесьтым кӧтмес ӝож каро, нош ми котьку но шумпотонэн улӥськомы. Ми начар улӥсьёс, нош троссэ узырмытӥськомы. Милям номырмы но ӧвӧл, нош ми котьмарлы узыресь.

11Коринфын улӥсьёс! Милям ымъёсмы тӥ понна усьтэмын, сюлэммы но тӥ понна паськыт усьтэмын.12Тӥледлы милемын огазьын ёркыт ӧвӧл, нош тӥледлы асьтэлы сюлэм пушкады ёркыт.13Аслам пиналъёсылы кадь тӥледлы верасько: тӥ но ми кадь ик сюлэмъёстэс усьтэ.

14Оскисьтэмъёсын одӥг кыткетэ йырдэс эн понэ. Уго мар одӥг кадез вань шонер улон но законлы пумит улон куспын? Мар огкадез вань югыт но пеймыт куспын?15Христос но Велиар куспын мар огъяез вань? Яке мар герӟаны быгатоз оскись но оскисьтэм муртъёсты?16Мар одӥг кадез луоз Инмарлэн храмез но сульдэръёс-идолъёс куспын? Тӥ уго улэп Инмарлэн храмез луиськоды. Ачиз Инмар шуиз:

«Соос пушкы улыны пыро но соосын огазьын уло;
Мон соослэн Инмарзы луо, нош соос Мынам калыке луозы.
17Соин ик соос пӧлысь потэлэ, соослэсь люкиське, –
шуэ Кузё-Инмар, –
мар чылкыт ӧвӧл, со борды эн йӧтӥське,
соку Мон тӥледыз кабыл басьто.
18Мон тӥледлы Атай луо, нош тӥ Мынам пиосы, нылъёсы луоды, –
шуэ Дунне Кутӥсь Кузё-Инмар».


предыдущая глава Глава 6 следующая глава