Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН КОРИНФ КАРЫН УЛӤСЬЁСЛЫ ЫСТЭМ КЫКЕТӤ ГОЖТЭТЭЗ

Глава 4

4-тӥ ЛЮКЕТ

1Соин ик, Инмар Ас ӟечлыкеныз милемлы таӵе ужан-тыршон сётэм бере, куректыса ми ум ни улӥське:2ватӥськыса улӥсь возьыттэм ужъёсты кулэтэм кариськомы, кескич-ӧрекчи ужъёсын ум выриське, Инмар кылэз сураса-пожаса ум улӥське. Зэмлыкез ватытэк вераськомы, нокинлэсь ум ватскиське, Инмар азьын милемды адямиос судить мед карозы.3Милям Ӟеч Ивор тодытонмы кинъёслэсь ке но ворсаськемын ке, со ворсаськемын быронэ мынӥсь адямиослэсь гинэ.4Та даурлэн ”инмарез” оскисьтэмъёслэсь визьзэс пеймытэн ӵоксаз, но соин ик Христослэн пиштӥсь данлыкез сярысь Ӟеч Иворлэсь югытсэ соос уг ни адӟо, нош Со Инмарлэн тусыз-образэз луэ.5Ми уго асьме сярысь ум тодытӥське, Иисус Христос – Кузё-Инмар луэ шуыса, ми тодытӥськомы. Иисус понна ми тӥляд ляльчиосты луиськомы,6малы ке шуоно Иисус Христос бордысен Инмарлэсь пиштӥсь данлыксэ тодон понна Инмар асьмелэсь сюлэмъёсмес югдытӥз. Та Инмар ик уго шуиз: «Пеймытысь югыт пиштыны мед кутскоз».

7Асьмеос горд сюйлэсь лэсьтэм сосудъёс гинэ луиськомы, нош соос пушкын табыдӟа узырлык возиське; мертантэм бадӟым кужым асьме бордысь уг, Инмар бордысь потэ.8Котькуд ласянь ми ӝикатэмын, но ӝикамын ӧвӧл; ми кышкыт учыръёсы сюрылӥськомы, но кышкатсконлы ум сётскиське;9милемыз уйыло-улляло, нош милемыз Инмар уг кушты; пыд йылысьтымы погыртыло, нош ми али но улэпесь.10Иисуслэн улонэз милям мугорамы мед усьтӥськоз-адӟиськоз шуыса, асьмелэн мугорамы котьку но Иисуслэсь кулонзэ нуллӥськомы.11Иисуслэн улонэз но милям кулоно мугорамы мед усьтӥськоз-адӟиськоз шуыса, ми, улэпъёс, Иисус понна дугдылытэк кулонлы сётскылӥськомы.12Озьыен, кулон ми пушкын ужа, нош улон – тӥ пушкын.13Осконлэн духез ми бордын улэ, со сярысь гожтэмын: «Мон оскыса улӥ, соин ик шуисько вал»; ми но оскыса улӥськомы, соин ик шуиськомы.14Тодӥськомы, Кузё-Инмарез Иисусэз Улӟытӥсь асьмеды но, Иисус пыр улӟытыса, Аслаз азяз султытоз шуыса.15Уго ваньмыз та тӥ понна: Инмарлэн дэлетэз тросгес но тросгес адямиос доры мед вуоз. Соку соос эшшо но золгес тау карыса вӧсяськозы, Инмарлэсь данзэ ӝутозы.

16Соин ик ми куректыса ум улӥське; мугорын адями луонмы сисьме ке но, нош лулын адями луонмы нуналысь нуналэ выльдӥське.17Уго вакчи дырлы сётӥськись капчи курадӟонъёсмы лыдъяса быдтонтэм, бырылӥсьтэм дан ваё.18Ми адскись шоры ум, адскисьтэм шоры учкиськомы: уго адскисез ортчись-кошкись дырлы сётэмын, нош адскисьтэмез – ноку но бырылӥсьтэм луэ.


предыдущая глава Глава 4 следующая глава