Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПЕТР АПОСТОЛЛЭН ЫСТЭМ КЫКЕТӤ ГОЖТЭТЭЗ

Глава 3

3-тӥ ЛЮКЕТ

1Тӥледлы, гажаноосы, кыкетӥ гожтэтме гожтӥсько ини. Соос пыр тодады вайытӥсько но чылкыт малпанъёстэс бугыртӥсько:2тодады мед ваёды святой пророкъёслэсь азьвыл верам кылъёссэс но апостолъёсты пыр тӥледлы сётӥськем Кузё-Инмармылэсь, Утисьмылэсь, курон-косонзэ.3Нырысь ик тодэлэ: берпуметӥ нуналъёсы ас мугорзылэн юрӟым кулэ каронъёсызлы сётӥськыса улӥсь возьыттэм мыскылляськисьёс потозы4но шуозы: «Солэн сӥзиськыса верам лыктонэз кытын? Атайёсмы кулӥзы ни, нош дунне кылдыны кутскем дырысен ваньмыз азьло кадь ик воштӥськытэк кыле».5Тазьы малпасьёс уг тодо, кутсконысен ик ин но, музъем но вулэсь вал, Инмарлэн кылыныз соос вулэсь кылдытэмын вал шуыса.6Соин ик со вапумысь дунне ву нюртон улэ сюрыса быриз.7Нош туала ин но, музъем но со кылын ик возисько суд нуналысь тыл понна, сьӧлыклэсь кышкасьтэмъёсты быдтон понна.

8Гажаноосы, тӥлесьтыд та ватӥськыса медаз кыльы: Кузё-Инмарлэн одӥг нуналэз сюрс ар кадь, нош сюрс арез – одӥг нунал кадь.9Сӥзиськем кылзэ быдэстыны Кузё-Инмар уг ӝега, кызьы куд-огъёсыз тае ӝеган шуыса лыдъяло. Нокин но медаз быры, ваньмыз ӧпкельыса сьӧлыкъёсызлэсь мед куштӥськоз шуыса, Со асьмеды кема чидаса возьма.10Кузё-Инмарлэн нуналыз уйин лушкаськись кадь лыктоз. Со нуналэ инъёс куашетыса вырӟозы; котыр дунне ӝуаны кутскыса куашкалоз; музъем но, со вылысь вань ужъёс но ӝуаса бырозы.11Ваньмыз та тазьы куашкаса быроно ке, макем дун-чылкыт, Инмарлэсь кышкаса, шонер улыны кулэ тӥ,12Инмарлэн нуналызлэсь лыктэмзэ возьмасьёс, дыртытӥсьёс, уго со нуналэ тылын гомаса ӝуась инъёс куашкалозы, котыр дунне тыл пушкын ӵыжаса сылмоз!13Нош ми, Солэсь сӥзем кылзэ кабыл басьтыса, выль инъёсыз, выль музъемез витиськомы, кудъёсыз вылын шонерлык улэ.

14Озьыен, гажаноосы, та нуналэз возьмаськоды ке, та дуннеын саптаськытэк, дун-чылкыт куен Со азе султон сярысь сюлмаське.15Кузё-Инмармылэсь кема чиданзэ утиськон шуыса лыдъялэ, кызьы асьмелэн гажано Павел братмы но, солы сётӥськем визьлыкен тӥледлы со сярысь гожтӥз.16Со вань ыстэм гожтэтъёсаз та сярысь вера. Со гожтэтъёсыз пӧлын валаны шуг интыосыз но вань. Нош валасьтэм, осконын юнмамтэ адямиос, асьсэлы бырон утчаса, мукет Гожъямъёсты сямен ик, соосты сурало-пожало.17Нош тӥ, гажаноосы, азьвыл ик тодытэмын вал бере, утиське-чаклаське, законлы пумит улӥсьёслэн йыромонзы пӧлы медад пыриське, асьтэлэн юнматскон интыысьтыды медад усе.18Асьмелэсь Кузё-Инмармес, Утисьмес Иисус Христосэз, тодыны дэлетты мед йылоз. Солы дан туннэ но, пумтэм вапумысь нуналэ но. Аминь.


предыдущая глава Глава 3 следующая глава