Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ИАКОВ АПОСТОЛЛЭН ЫСТЭМ ГОЖТЭТЭЗ

Глава 2

2-тӥ ЛЮКЕТ

1Агай-вынъёсы! Кузё-Инмармылы Иисус Христослы, пиштӥсь данлыклэн Кузё-Инмарезлы осконды чылкыт мед луоз, вылтус шоры эн учкелэ.2Шуом, тӥляд люкаськонады зарни зундэсэн, узыр дӥськутэн адями пыриз ке, нош соин ӵош ик пӧсьтэм дӥськутэн куанер мурт пыриз ке,3соку тӥ, узыр дӥськутэн мурт шоры учкыса, солы шуиды ке: «Тыныд татчы пуксьыны ӟечгес луоз», нош куанерлы шуиды ке: «Тон отчы султы» яке: «Пуксьы татчы, мынам пыд выжыям», –4озьы асьтэ пушкын люкиськон уд лэсьтэ-а? Урод малпанэн улӥсь судьяослы уд пӧрмиське-а?

5Гажано агай-вынъёсы, кылзӥськелэ: Инмар ӧз бырйы-а та дуннеысь куанеръёсты осконэн узыр карыны но Эксэйлыкын люкет басьтыны вылысь, кудзэ Со Инмарез яратӥсьёслы сёто шуиз?6Нош тӥ куанеръёсты ултӥяды. Тӥледыз ӝикатыса возисьёс узыръёс ӧвӧл-а, тӥледыз судэ нуисьёс но соос ик ӧвӧл-а?7Дано нимез, кудӥныз тӥ нимаськиськоды, сое саптасьёс соос ӧвӧл-а?8Эксэй законэз тӥ быдэсъяськоды ке Священной Гожтэмъя: «Матысьтэ астэ ачид кадь ик яраты», – умой лэсьтӥськоды;9нош вылтус шоры учкыса сьӧлыкаськоды ке, закон азьын законэз сӧрисьёсын одӥг радэ пыриськоды.10Кин быдэс законэз уте, нош одӥг люкетсэ сӧре ке, соку со ваньмыз понна янгыш луэ.11Уго Кин шуиз: «Азон-калгон сьӧлыке эн пыры», Со ик вераз но: «Эн виы». Соин ик, тон азон-калгон сьӧлыке ӧд ке но пыры, нош виид ке, соку тон Инмар законэз сӧрись луиськод.12Озьы вералэ, озьы лэсьтэ, кызьы лэсьто адямиос, кудъёссэ судить кароз эрик сётӥсь закон.13Гажанэз-жалянэз тодытэк улонзэ ортчытӥсьлы гажасьтэм-жалясьтэм суд луоз. Гажан-жалян судлэсь вылӥынгес луэ.

14Агай-вынъёсы, мар пайдаез солы, кин шуэ «осконэ вань», нош ӟеч ужъёсыз ӧвӧл ке? Быгатоз-а таӵе оскон сое утьыны?15Вынмы яке сузэрмы гольык, туннэ нуналлы кӧттыронзы но ӧвӧл ке,16нош кин ке но тӥ пӧлысь соослы шуиз ке: «Каньыллыкен мынэ, шунтӥське, сиське», нош мугорзылы мар кулэ вал ӧз ке сёты, кыӵе пайдаез луоз?17Озьы ик оскон но: ӟеч ужъёсыз ӧвӧл ке, со кулэмын.

18Нош кин ке но шуиз ке: «Тынад осконэд вань, нош мынам – ужъёсы, соос пӧлысь мон аслэсьтым осконме тыныд возьмато, нош тон возьматы мыным ужен герӟаськымтэ оскондэ».19Тон оскиськод, Инмар одӥг шуыса, – умой лэсьтӥськод; периос но Инмар вань шуыса оско, куалекъяло.20Эй, тупыттэм-нодтэм адями, тодэмед потэ-а, ужъёстэк оскон кулэмын луэ шуыса?21Аслэсьтыз пизэ Исаакез курбон сётон ӝӧк вылэ выдтыса, асьмелэн вашкала пересь атаймы Авраам ужъёсын шонере ӧз поты-а?22Адӟиськод-а, оскон солэн ужъёсызлы юрттӥз, нош ужъёс пыр оскон ярамон, вылӥлыко луиз?23Озьы, Священной Гожтэмысь кыл быдэсмиз: «Авраам Инмарлэн верам кылызлы оскиз но, та солы шонерлык шуыса гожтӥськиз, Инмарлэн эшез шуыса со нимаськиз».24Адӟиськоды-а, адями ужъёсыныз шонере потэ, осконэн гинэ уг.25Озьы ик Раав но – калгись кышномурт, ужъёсыныз шонере ӧз поты-а, куке со ивортыса ветлӥсьёсты гуртаз ватӥз но мукет сюрес кузя соосты лэзиз?26Уго, кызьы мугор лултэк улыны уг быгаты, озьы ик оскон но ужъёстэк улыны уг быгаты.


предыдущая глава Глава 2 следующая глава