Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

АПОСТОЛЪЁСЛЭН УЖЪЁССЫ

Глава 3

3-тӥ ЛЮКЕТ

1Петрен Иоанн ӵошен укмысэтӥ часлэн вӧсяськоназ храме мынӥзы.2Отын анаезлэн пушкысеныз ик чут вордӥськем адями пуке вал. Сое нуналлы быдэ вайыса, храмлэн ”Чебер” шуыса нимаськись капкаезлэн выжыяз храме пырисьёслэсь аслыз кӧттыр кураны пуктылӥзы.3Храме пырон азьысен со Петрен Иоаннэз адӟиз но соослэсь кӧттыр куриз.4Петрен Иоанн со шоры сак учкизы, Петр солы шуиз: «Ми шоры учкы».5Соослэсь мар ке но басьтонлы оскиськыса, соос шоры со сак учкиз.6Петр со муртлы шуиз: «Мынам азвесе но, зарние но ӧвӧл, нош маи вань, сое тыныд сётӥсько: Назаретысь Иисус Христослэн нимыз понна султы но ветлы».7Сое бур китӥз кутыса султытӥз. Соку ик со муртлэн пыдтышкыз но, пыдесъёсыз но юнмазы, –8тэтчыса султӥз но ветлыны кутскиз. Тэтчаса, Инмарез ушъяса, соосын ӵош храме пыриз.9Солэсь ветлэмзэ, Инмарез ушъямзэ вань калык адӟиз.10Храмлэн ”Чебер” шуыса нимаськись капкаезлэн выжыяз кӧттыр кураса пукись ӧлексы пиез тодмаса, туж куалектӥзы, паймизы соин луэм учыр пумысен.

11Бурмытэм чутӥсь пи Петрен Иоанн дорысь кошкымтэен сэрен вань калык паймыса соос доры, Соломон Бӧльмы шуон доры, бызьыса люкаськиз.12Тае адӟыса, Петр калыклы шуиз: «Израильысь агай-вынъёс, сузэръёс! Малы тӥ талы паймиськоды? Малы ми шоры сыӵе учкиськоды, оло, асьме кужымен, асьмелэн ӟечлыкенымы сое ветлӥсь каримы шуыса малпаськоды-а?13Авраамлэн, Исааклэн, Иаковлэн Инмарзы, асьме атайёсмылэн Инмарзы, Аслэсьтыз Пизэ Иисусэз данлыко кариз. Сое тӥ кивалтӥсьёс кие кутыса сётӥды. Пилат соку малпаз вал Сое мозмытыны, нош тӥ Пилат азьысен Солэсь куштӥськиды.14Дун-Сьӧлыктэмлэсь, Шонер Улӥсьлэсь тӥ куштӥськиды, нош адями виылӥсез мозмытыны куриды.15Улон Сётӥсез тӥ вииды! Но Инмар Сое кулэмысь улӟытӥз. Тае ваньзэ асьмеос ас синмынымы адӟисьёс луиськомы.16Кузё-Инмарлэн нимызлы оскон пыр та мурт но, кудзэ тӥ али адӟиськоды, тодӥськоды, юнмаз. Иисус бордысь потэм осконэн та висись мурт тӥляд син азяды бурмиз.

17Агай-вынъёс, мон али тодӥсько, тӥ асьтэлэн кузёйыръёсты кадь ик, Иисуслы тае тодытэк лэсьтӥды шуыса.18Инмар кызьы Аслаз вань пророкъёсыз пыр Христосэзлэн курадӟонъёсыз сярысь азьвыл ик ивортӥз, озьы ик быдэстӥз.19Озьыен, тӥляд сьӧлыкъёсты мед ӵушиськозы шуыса, ӧпкельыса сьӧлыкъёстылэсь куштӥське но Кузё-Инмар пала берытске.20Кузё-Инмар ӟеч вапумъёс мед сётоз, тӥледлы азьвыл ик бырйыса дасям Иисус Христосэз мед ыстоз.21Ваньмыз таос быдэсмытозь, Ин Сое дораз басьтыны кулэ вал. Та сярысь дауръёслэн кутсконысенызы ик Инмар Аслаз пророкъёсыз пыр вераз.22Моисей атайёслы шуиз: ”Инмарды Кузё-Инмар агай-вынъёсты пӧлысь, монэ кадь ик, тӥледлы Пророкез ӝутоз. Мар Со тӥледлы вераз, Солэсь вань верамзэ кабыл басьтэ.23Со Пророклэсь кылзӥськисьтэм котькудӥз адями калык пӧлысь быдтэмын луоз”.24Самуил бордысен кутскыса, вань пророкъёс, кудъёсыз Инмар кылэз тодытӥзы, соос та нуналъёс сярысь но ивортӥзы.25Тӥ пророкъёслэн нылпиоссы, сӥзён-косонлэн люкет басьтӥсьёсыз луиськоды. Сое тӥляд атайёстылы Инмар сётыны сӥзиз. Авраамлы Со шуиз: ”Тынад кидысэд-выжыед пыр дунне вылысь вань выжыос бакель каремын луозы”.26Инмар Аслэсьтыз Ужасьсэ Иисусэз, кулэмысь улӟытыса, нырысь ик тӥледыз бакель карыны ыстӥз котькуддэс но урод ужъёстылэсь палэнтон понна».


*а 3:1 туала дырын 3 час, нуназе бере


предыдущая глава Глава 3 следующая глава