Выбрать язык
Книги Ветхого Завета
Книги Нового Завета
с русским текстом2-тӥ книга
1Аса куамын куатетӥ арзэ эксэй пуконын пукыку, Израильлэн Вааса эксэез Иудея вылэ урдскиз; Рама карез лэсьтыны кутскиз, Иудеялэн Аса эксэез дорысь нокин кошкыны но, со доры лыктыны но медаз быгаты шуыса.2Кузё-Инмарлэн коркасьтыз, эксэй коркась ваньбур возён шыкысъёсысь азвесез, зарниез Аса поттӥз но, тазьы вераса, Дамаскын улӥсь Сириялэн Венадад эксэезлы ыстӥз:3«Монэн тон куспын эшлыко улон мед луоз, кызьы мынам атаеным тынад атаед куспын эшлыко улон вал; тани мон тыныд азвесь, зарни ыстӥсько: мын, Израильлэн Вааса эксэеныз кусып воземысь дугды, мон дорысь мед палэнскоз со».4Аса эксэйлэсь верамзэ Венадад санэ понӥз но аслэсьтыз ож ужен кивалтӥсьёссэ Израиль городъёслы пумит мыныны ыстӥз, – соос Ийонэз, Данэз, Авелмаимез тарказы, Неффалим выжылэн вань городъёсысьтыз вань запасъёсты быдтӥзы.5Вааса та сярысь кылӥз но Рама карез пуктэмысь дугдӥз, аслэсьтыз ужзэ лэсьтэмысь дугдӥз.6Нош Аса эксэй вань иудей калыкез люказ но Рама карысь Ваасалэсь пуктӥськыны дасям изъёссэ, коръёссэ отысь поттытӥз, – соослэсь со Гева но Мицфа каръёс пуктӥз.
7Со виын Иудеялэн Аса эксэез доры азьпалэз адӟись Ананий лыктӥз но солы шуиз: «Тон Сириялэн эксэез вылэ оскиськид, аслад Инмаред Кузё-Инмар вылэ ӧд оскиськы, соин ик Сирия эксэйлэн ожгарчиосыз тынад киыдлэсь утиськизы.8Эфиоп, ливи ожгарчиос трос ожмаськон уробоосынызы, вал вылын ожмаськисьёсынызы туж кужмоесь ӧй вал-а? Тон Кузё-Инмарлы оскиськыса улӥд бере, Со соосты тынад киулад сётӥз,9уго Кузё-Инмарлэн синъёсыз быдэс дуннеез адӟо Солы сюлмынызы оскиськымонэсь луисьёсты ӟечкын возён понна. Визьмыныд малпаськытэк, тае тон лэсьтӥд. Со понна табере тон дорын ожмаськонъёс луылозы».10Аса азьпалэз адӟисьлы вожзэ поттӥз но сое пытсэтэ пуктӥз, уго та понна солэн солы йырыз кур луиз; Аса со виын калык пӧлысь но куд-огзэ ёртыса-ӝикатыса возиз.
11Асалэн нырысетӥосыз но, берпуметӥосыз но ужъёсыз Иудеяысь но Израильысь эксэйёслэн книгаязы гожъямын.12Куамын укмысэтӥ арзэ эксэйын пукыкуз, Асалэн пыдъёсыз висьыны кутскизы, висёнэз пыдло но пыдло пыриз, нош висьыкуз со Кузё-Инмарез ӧз утча, врачъёсты утчаз со.13Ньыльдон одӥгетӥ арзэ эксэйын пукыкуз, Аса кулӥз но, сое атайёсыныз огазе ватӥзы.14Сое Давидлэн городаз, аслаз гудӟем шайгуаз ватӥзы; сое валес вылэ выдтӥзы, ас киынызы быгатыса лэсьтэм трос пумо ческыт зыно вӧйёс, ческыт зыно пӧртэм арбериос вайизы, со понна соосты туж трос сутӥзы.
Глава 16