Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ПАВЕЛОНЬ ОМБОЦЕ СЁРМАЦ ФЕССАЛОНИКА ОШЕНЬ КЕМАЙХНЕНДИ

Глава 1

Шумбракстомась

1Павел, Силуан и Тимофей кучихть пара вал Фессалоникань кемаень пуромксти, кона эряй Шкай Аляньконь и Иисус Христос Азороньконь эса.2Арьсетяма тейнть пароказне и сетьмоши Шкай Аляньконь и Иисус Христос Азороньконь эзда!

Шкайть судендамац виде

3Кемай ялгат, тейнек фалу эряви азондомс сюконяма Шкайти тинь инксонт. И ули мезенкса, вдь тинь кемаманте козяста касы и фкя-фкянди кельгоманте сядонга ламолготкшни эрть эса.4Сяс минь минць Шкаень лия кемаень пуромкснень инголе шнафттама пря тинь мархтонт, кода тинь, сембе панцематнень и люпштаматнень ёткса эрязь, ванфнесасть эсь кемошинтень и кемамантень.5Тя сембось няфтьсы, Шкайсь Эсь виде судонц коряс луфтядязь тинь кондястикс Эсь Оцязорксшинцты, конань инкса тинь и маятатада.6Шкайсь видексшинь тии: Сон пандсы люпштамаса сятненди, кит люпштайхть эсонт.7А вага тейнть, конат тяни кирдихть люпштамат, Сон минь мархтонк марса максы ваймама ся шиня, мзярда Иисус Азорсь эвондай менельста вии ангелонзон мархта,8юрнай тол потмоса. Эста Сон пандсы кяженц сятненди, конатнень ашель мяльсна содамс Шкайть и конат ашезь кулхцонда Пара кулять Иисус Христос Азороньконь колга.9Кяжень пандомакс тейст ули пефтома юмамась: синь сявовихть Азороньконь эзда и Сонь иневалдонь оцюшинц ингольде.10Тяфта тиеви ся шиня, мзярда Сон сай и ули шнаф Эсь иняру ломанензон ёткса. Эста лангозонза ванозь дивандазевихть сембе сят, кит кемасть Тейнза. Ётксост ульхтяда тиньге, сяс мес тинь кемаде минь няфтеманьконди-азондоманьконди Христость колга.11Вов мес минь фалу озонттама инксонт: катк Шкаеньке тихтядязь тинь кондястикс ся эряфти, конанди тердедязь, и катк Эсь вийсонза кемокстасыне тинь мялентень паронь тиеманди, и педа-пес пяшкодьсыне ся тефнень, конатненди тинь саде кемамантень вельде.12Эста тинь вельдент шнави-кеподеви Иисус Азороньконь лемоц, и тинь ульхтяда шнафт-кепотьфт Сон вельденза. Тя тиеви Шкаеньконь и Иисус Христос Азорть пароказнеснон коряс.


предыдущая глава Глава 1 следующая глава