Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ПАВЕЛОНЬ ОМБОЦЕ СЁРМАЦ КОРИНФ ОШЕНЬ КЕМАЙХНЕНДИ

Глава 3

Од сотксонь покодихне

1Дяряй тейнек тага эряви шнамс пря тинь инголент? Дяряй тейнековок, кода кой-конатненди, эрявихть содафтомань-кемокстамань сёрмат тейнть али тинь эздонт?2Аф! Тинь тинць тя сёрмась. Сон сёрматф минь седисонк, сон сембонди содави и сембонди лувови.3Лац няеви: тинь Христость сёрмац, кона сёрматф минь покодеманьконь вельде. И сёрматф аф черниласа, а эряй Шкайть Ваймопожфонц вельде, и аф кевонь седяфнень лангса, а ломаттнень седиснон лангса.

4Тя надиямась Шкайть лангс максф тейнек Христость вельде.5Мон корхтан тяфта аф сяс, бта минь эсонк ули маштомаши мезе-бди арьсемс, аф, тя маштомашись максф тейнек Шкайть эзда.6Сон тяфта жа макссь тейнек маштомаши улемс од сотксонь покодикс. Тя сотксть юрсонза – аф койть букванза, а Ваймопожфсь. Вдь буквась канды кулома, а Ваймопожфсь максы эряф.

7Лятфтасть койть коряс покодемать, кона сёрматфоль кевонь седяфнень лангса. Хуш тя покодемась вяти куломати, но сяка, конашкава оцю иневалдса сон пиндолдсь. И катк тя иневалдсь ульсь юмси-ётни, сембе сяка Израилень ломаттне ашесть ванов Моисеень пиндолды шаманц лангс.8Эста конашкава оцю иневалдса вандолды Ваймопожфть коряс покодемась!9Кда покодемась, кона вяти судендамас, вандолдсь иневалдса, эста конашкава сяда оцю иневалдса вандолды ся покодемась, кона вяти видексшити.10Сонь иневалдоц пяк оцю, мянь вакссонза ляды иневалдфтома ся, мезсь инголи ульсь пяк вандолды.11Кда юмсить-ётнить ульсь иневалдоц, эста сядонга оцю иневалдоц сянь, мезсь мзярдонга аф юмай-аф ётай!

12Минь ули тяфтама надияманьке, сяс минь панжадонь ваймот корхтатама и мезьдонга аф пельхтяма.13Минь аф тихтяма Моисеень лаца, кона вельхтердаса кяшендезе шаманц сянкса: афолезь няе Израилень ломаттне сянь, кода юмси-ётни иневалдть сашенды пец.14Но синь ёньцна-седисна калготкстомсть, и сяс тячемс, Ташта Сотксть лувомста, тяка вельхтердась ляткшни лангсост, сяс мес тя вельхтердась валхтови аньцек Христость вельде.15Тячивок, мзярда лувови Моисеень сёрматфксоц, вельхтердась ащи синь седиснон лангса.16Но мзярда ломанць пшкяди Азорти, эста тя вельхтердась валхтови лангстонза.17Азорсь – тя Ваймопожф, а коса Азорть Ваймопожфоц, тоса воляши.18И сембе минь, конат аф вельхтяф шамаса ваныхть Азорть иневалдонц вандолдоманц лангс, кода ванома пачк, полафттама, арамок Сонь лацонза. Тянь вельде Сонь иневалдоц сядонга касы минь эсонк. Тянь тиендьсы Азорсь, кона Ваймопожф.


*а 3:3 кевонь седяфт – скрижали; Тяса корхтави ся кафта кевонь седяфнень колга, конатнень лангса Шкайсь сёрмадозень кемонь кошардомвалхнень.


предыдущая глава Глава 3 следующая глава