Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ПАВЕЛОНЬ ВАСЕНЦЕ СЁРМАЦ КОРИНФ ОШЕНЬ КЕМАЙХНЕНДИ

Глава 6

Пялькстомат кемайхнень ёткса

1Мзярда киньге тинь ёткстонт ули пялькстомац кемай ялга мархта, кода тя ломанть саты визьксоц молемс пежу судьянди? Мес сон тя тевть аф макссы ваномс Шкайти кемай ломаттнень судс?2Кали тинь аф содасасть: Шкаень ломаттне кармайхть судендамонза масторлангть? Кда тейнть сави судендамс масторлангть, эста мес тинь лувсасть эсь прянтень аф кондястикс судендамс ёмла тефнень?3Кали тинь аф содасасть, минь карматама судендамост ангелхнень. Эста кода тейнек аф ванондомс тя эряфонь тефнень?4А мзярда тинь пялькстотада эряфонь тефнень кувалма, кинь тинь путнесасть судьякс? Ломаттнень, конат мезькска аф лувовихть кемаень пуромксса?5Сргозеза визьксонте! Кали тинь ётксонт аш фкявок смузю ломань, кона ладялезе тевть кемайхнень ёткса?6Но тинь, кемай ялгат, судендатада фкя-фкянь мархта, да нинге аф кемайхнень инголе.

7Сявок ни кальдяв тейнть, мес судендатада фкя-фкянь мархта. Афоли сяда пара улель тейнть лядомс обжафста? Аф сяда пара улель максомс прянтень саламс?8Аф, тинь тинць керсасть лиять седиенц и саласасть. И кинь? Эсь кемай ялгантень!

9Кали тинь аф содасасть: аф видексшинь ломаттне Шкаень Оцязорксшити аф сувавихть? Тясть васькафне эсь прянтень! Усксевихне, аф афкуксонь шкайхненди сюконяйхне, мирдень-рьвянь полафнихне, алятне аля мархта утцихне,10салайхне, топафкста аф содайхне, симилатне, сюцихне-сялдыхне, ломанень васькафнихне – кивок эздост аф сувави Шкаень Оцязорксшити!11Тинь эздонтка конат-конат ульсть тяфтапт! Но тяни тинь штадязь, тинь иняруяфтодязь, тинь луводязь видексшинь ломанькс Иисус Христос Азороньконь лемса и Шкаеньконь Ваймопожфса.

Ронгсь – тя Иняру Ваймопожфть эрямовастоц

12Тинь корхтатада: «Тейне сембось мярьгондеви». Виде, но аф сембось моли лезксонди! «Тейне сембось мярьгондеви». Виде, но мезське тяза азоронда лангсон!13«Ярхцамбяльсь пекти и пексь ярхцамбяльти». Но Шкайсь машфтсы тяньге, тонаньге. Ронгсь максф аф усксевоманди, а Азорти, и Азорсь ронгти.14Шкайсь вельмафтозе Азорть и миньге вельмафтсамазь Эсь вийсонза.15Кали тинь аф содасасть: тинь ронгонте – Христость ронгонцты пялькст? Кали мон сявсайне Христость ронгонь пяльксонзон и тисайне синь пяльксокс усксеви авать ронгонцты? Мзярдонга аф!16Кали тинь аф содасасть, кие уды усксеви ава мархта, ся тиеви мархтонза фкя ронгокс. Вдь Сёрматфксса азф: «Кафттне арайхть фкя ронгокс».17А ся, кие сотови Азорть мархта, тиеви фкя ваймопожфокс Сонь мархтонза.

18Ворьгодеда усксевомать эзда. Эрь лия пежесь, конань тисы ломанць, аф токсесы ронгонц. Усксевись тии пеже эсь ронгонц каршес.19Кали тинь аф содасасть, тинь ронгонте – Шкаень куд, конаса эряй Шкайть эзда максф Иняру Ваймопожфсь. Тинь аф эсь кядьсонт,20вдь тинь рамафтада оцю питнеса! Сяс шнасть Шкайть ронгсонтка и ваймопожфсонтка, вдь тявок, тонавок Шкайть.


предыдущая глава Глава 6 следующая глава