Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ИОАННОНЬ ВАСЕНЦЕ СЁРМАЦ

Глава 1

Эряфонь максы Валсь

1Минь азонттама сянь колга, мезе ульсь ушетксста сявомок, мезе минь кулеме и няеме эсь сельмосонк, мезень мельге минь ванондоме и мезть токсеськ кядьса: эряфонь максы Валть колга.2Тя эряфсь панжевсь тейнек и минь няеськ сонь. И сяс корхтатама кода няихне-содайхне и пачфнесаськ тейнть тя пефтома эряфть, кона ульсь Алять мархта и тяни панжевсь тейнек.3Сянь, мезе няеме и кулеме, минь азондсаськ тейнть, сяс мес минь мяленьке: тиньге улель марстоньшинте минь мархтонк; а минь марстоньшиньке Алять и Иисус Христос Цёранц мархта.4Сёрмадсаськ тянь тейнть: пяшкоделедязь тинь кенярдемась.

Эряда-якада Шкаень валдса

5И вов ся кулясь, конань минь маряськ Сонь эздонза и конань азондсаськ тейнть: «Шкайсь – тя валда, и Сонь эсонза аш кодамовок шобда».6Кда корхтатама: «Минь ули марстоньшиньке Сонь мархтонза», – а эрятама-якатама шобдаса, эста минь васькафнетяма и тиенттяма аф видешить коряс.7А кда эрятама-якатама валдса, кода Сонцьке Шкайсь валдса, эста минь ули марстоньшинке фкя-фкянь мархта, и Иисус Христость, Шкаень Цёрать вероц аруяфтсамазь минь эрь кодама пежеда.

8Кда корхтатама: «Минь аш пеженьке», – эста васькафнесаськ эсь пряньконь и эсонк аш видеши.9А кда минь виденцятама Шкайть инголе эсь пеженьконь колга, эста Шкайсь нолдасыне пеженьконь и аруяфтсамазь эрь кодама аф видешить эзда, сяс мес Сон кирдьсы максф валонц и тиенди видексшить коряс.10Кда корхтатама: «Минь ашеме тие пеже», – эста минь тисаськ Шкайть васькафникс, и Сонь валоц аш эсонк.


предыдущая глава Глава 1 следующая глава