Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ПЁТОРОНЬ ОМБОЦЕ СЁРМАЦ

Глава 1

Шумбракстомась

1Симон Пётр, Иисус Христосонь покодиец и апостолоц, кучи пара вал сятненди, кинди, кода тейнековок, максф питнидонга питни кемамась – Шкаеньконь и Идить Иисус Христость видексшинц вельде.2Катк ламолгоды тейнть пароказнесь и сетьмошись Шкайть и Иисус Христос Азороньконь содаманц вельде.

Шкайть тертьфонза и кочкафонза

3Иисусонь эса Шкаень вийсь максозе тейнек семботь, мезе эряви эряфонди Шкайть мяленц коряс. Минь вдь содаськ Сянь, кие тердемазь Эсь иневалдсонза и цебярьшисонза.4Синь вельдест Сон макссь тейнек оцюдонга оцю и питнидонга питни надияфтомат. Ня надияфтоматне лездыхть тейнть сотовомс Шкайть коронц мархта и ворьгодевомс юмаф-араф эряфть эзда, кона аф пара мяльхнень сюнеда азорондай масторлангса.5Сяс тинь, сембе вийса няфтеда эсь кемамасонт паронь тиема, а паронь тиемасонт няфтеда содамоши.6Содамошисонт няфтеда прянь кирдема, прянь кирдемасонт – кемоши, кемошисонт – Шкайть мяленц коряс эряма.7Шкайть мяленц коряс эрямасонт няфтеда ялгаксши кемай ялгантенди, а ялгаксшисонт – кельгома.8Кда сембе тя эсонт ули и ламолгоды, эста тинь аф шавоста содасасть Иисус Христос Азороньконь, и тинь эряфонте канды лезкс.9А кинь эса сембось тя аш, ся сокор, сон пякстазень сельмонзон и юкстазе: мзярда-бди сон аруяфтфоль ингольдень пежензон эзда.10Сяс, кемай ялгат, нинге сяда лама вийда путода эсь тердемантень и кочкамантень кемокстаманкса. Кда карматада тяфта тиендема, мзярдонга аф пупордатада.11И эста тейнть келеста панжевихть кенкшне минь Азороньконь и Иисус Христос Идиеньконь пефтома Оцязорксшизонза.

Пётр корхтай эсь куломанц колга

12Сяс мон фалу карман лятфнема тейнть ня тефнень колга, хуш тинь тянь содасасть и кемоста ащетяда тя виде тонафтомаса.13Но сяка, мон лувса эрявиксокс, мзярс нинге эрян тя ронгса, лятфнемс тейнть тянь и тяфта сргозьфнемс тинь.14Мон содаса: тейне курок сави кадомс тя ронгть – тянь тейне панжезе Иисус Христос Азороньке.15Но мон тиса семботь сянь, мезе ули монь вийсон: тумдон мелевок фалу мяляфтолесть семботь тянь.

Пророчествань валсь Иисусонь колга – виде

16Мзярда минь азондоме тейнть Иисус Христос Азороньконь виенц и саманц колга, минь ашеме моле ёжуста кодаф-понаф ёфкснень мельге. Минь вдь эсь сельмосонк няеськ Сонь иневалдонц.17Пара лувкссь и иневалдсь максфтольхть Тейнза Шкай Алять пяльде, мзярда оцюдонга оцю иневалдста Тейнза кайгозевсь вайгяль: «Тя Монь кельгома Цёразе, Монь кенярдема вастозе».18Тя вайгяльть, кона кайгозевсь менельста, минь маряськ, мзярда улеме Сонь мархтонза иняру пандть лангса.19Тя нинге сядонга кемокстай эсонк: пророчествань валсь виде; и тинь лац тиенттяда, мес кирдьсасть тя валть, кода валдоптома, кона цифторды шобдаса, мзярс аф валдашкоды ся Шить валдоц и аф цифторгоды тинь седисонт шобдавань заря тяштсь.20Васендакиге мяльсонт кирдесть сянь: пророчествань фкявок валть смузенц Сёрматфксса аш кода панжемс эстейть.21Вдь мзярдовок пророчествась ашезь азондов ломанень мяльть коряс. Сонь азонкшнезь Шкаень иняру ломаттне, конат вятневсть Иняру Ваймопожфть вельде.


предыдущая глава Глава 1 следующая глава