Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

ИАКОВОНЬ СЁРМАЦ

Глава 4

Масторлангть мархта ялгафтомась

1Коста ина тинь ётксонт сявондевихть фкя-фкянь лангс врьгятнематне и сялондоматне? Дяряй аф визьксонь мялентень эзда, конат тюрихть ронгсонт.2Тинь оцю мяленте кати-мезе сатомс, но тейнть аф сатови ся; тинь шавонттада и каятада сельме, но мяленте аф пяшкодевихть; тинь сялонттада и фкя-фкянь лангс врьгяткшнетяда и сяка мезентевок аш, сяс мес аф анатада.3А кда и анатада, тейнть аф максови, сяс мес анатада аф цебяренди, а эсь визькс мялентень петеманкса.4Шкайти полафни ломатть! Дяряй аф содасасть: масторлангть мархта ялгафтомась – тя Шкайти каршек молема? Кинь мялец улемс ялгакс тя масторлангти, ся арси душманкс Шкайти.5Али тинь арьсетяда, шавоста корхтай Сёрматфкссь: «Сон седиень оцю паломаса кельгсы ваймоть, конань сувафтозе эзонк»?6Но Сон максы тейнек нинге сяда оцю пароказне. Сяс Сёрматфксса азф:
«Шкайсь ащи каршек прянь няихненди,
а сятяфненди Сон максы пароказне».

7Сяс максость прянтень Шкайть кядялу и стяда идемэвозти каршек! Эста идемэвозсь ворьгоди эздонт.8Маладода Шкайти, Сонга малады тейнть! Штасть кядентень, пежуфт, и тинь, конатнень мяльсна явфт кафтова, аруяфтость эсь седиентень!9Шавода пря ризфта, авардеда и кайгиста явседа. Рахаманте араза авардемакс, кенярдеманте – ризфокс.10Комафтость седиентень Азорть инголе, и Сон кепоттядязь тинь.

Тяда суденда!

11Кемай ялгат! Тяда корхта кальдявста фкя-фкянь колга. Кие сялдсы эсь кемай ялганц али судендасы, ся сялдсы и судендасы койть. А кда тон судендасак койть, эста тон ни аф коень ванфтыят, а сонь судьяц.12Ули аньцек фкя Коень Максы и Судья, конань ули виец идемс минь али юмафтомс-арафтомс. А тон кият стамсь, лиянь судендайсь?

Тяда шнафта пря!

13Тяни кулхцондода сят, конат корхтайть: «Тячи али ванды минь тутама тяфтама-тяфтама ошс, карматама тоса кизоньберьф мишендема и кочкатама лама ярмак».14Тинь афи содасасть, мезе ули мархтонт ванды. Мезе стамсь тинь эряфонте? Сон кода тёждя кожфкя, кона эвондакшни аф лама пингс и эстокиге юмси.15Тянь вастс тейнть корхтамаль тяфта: «Кда Азорть ули мялец и ульхтяма шиса, тисаськ тянь али тонань».16А тинь тяни шнафттада пря и надиятада эсь лангозонт. Эрь кодама тяфтама прянь шнафтомась – кяж.17Лисенди, кие содасы: тейнза тиендема цебярь, но сон аф тиенди, ся сувай пежес.


*а 4:6 Притчи 3:34


предыдущая глава Глава 4 следующая глава