Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

АПОСТОЛХНЕНЬ ТЕВСНА

Глава 12

Иаковонь шавомац и Пёторонь пякстамац

1Тяка пингть малава Ирод оцязорсь кармась панцемост кемаень пуромксть лувксс сувси кой-кона ломаттнень, мялецоль тиемс тейст кальдяв.2Сон торса керфтозе Иоаннонь брадонц Иаковонь прянц.3Няемок, тя тусь еврейхнень мяльс, сон мярьгсь сявомда Пётороньге. Тя ульсь аф шапама кшинь илать ёткова.4Пёторонь кундазь, и Ирод мярьгсь кирдемдонза пякстамгудса. Ванфтомонза путсь нилень ломань, конат шити нилексть полафневсть. Ирод ёразе Очижида меле судендамс сонь ломаттнень инголе.5Тяфта Пёторонь кирдезь пякстамгудса, а кемаень пуромкссь апак лотксек озондсь сонь инксонза.

Пёторонь лисемац пякстамгудста

6Ся шинь карша веть, мзярда Ирод срхкась сонь лихтемонза судендамс, Пётр удось кафта ушматтнень ёткса. Сон пинкстафоль тейст кафта цинзерса, тяда башка кенкш видесонга ащесть ваныхть.7Апак учентт эвондась Азорть ангелоц, и пякстамгудть потмонц вандолгофтозе валдсь. Ангелсь бокапяльти тостяфтозь сргозьфтезе Пёторонь, мярьгсь: «Стяк куроконе!» Цинзерхне эстокиге прасть Пёторонь кядьста.8Эста ангелсь мярьгсь тейнза: «Щак-каряк». Пётр стане и тись. Ангелсь корхтай: «Щак лангань щамцень и мольхть мельган».

9Пётр лиссь пякстамгудста и тусь мельганза, сон арьсесь няи няйфкс, нинге ашезь шарьхкоде – сембось афкукс тиендеви.10Синь ётасть фкя ваныть вакска, сяльде омбоцеть, маладсть ошу вяти кшнинь ортатненди, конат синць панжевсть инголест. Синь лиссть, ётазь фкя курнять, и ангелсь апак учт юмась.11Эста Пётр сась эсезонза, мярьгсь: «Тяни афкукс няйса, Азорсь кучезе ангелонц и араламань Иродонь кядьтонза и сембода сяда, мезе учсь евреень ломаньтналсь».

12Тянь шарьхкодемста Пётр тусь Мариянь, Иоаннонь тядянц кудонцты, ся Иоаннонь, кона нинге лемневсь Маркокс. Тоза пуромсь лама ломань, и ся ёткть синь озондсть.13Пётр чакась ортатненди, и покоди авась, конань лемоц Рода, лиссь ваномонза, кие тоса.14Кодак кулезе Пёторонь вайгяленц, кенярдемать эзда сон юкстазе панжемс ортатнень, ласьксь куду и азозе, Пётр ащи орта фтала.15Каршезонза мярьгсть: «Тон ёньда лисеть!» Но авась содазе сонценнеть, а сят корхтасть: «Тя сонь ангелоц».16Пётр тя ёткть стаки чакась. Мзярда панжезь ортать и няезь сонь, сембе прасть дивас.17Пётр няфтсь кядьса, кле, сетьмода, и азондозе тейст, кода Азорсь лихтезе сонь пякстамгудста, мярьгсь: «Азондость тянь Иаковонди и лядыкс кемай ялгатненди». Сяльде сон лиссь и тусь лия вастс.

18Кодак сась шобдавась, ушматтне пяк эводсть сянкса, мезе лиссь Пёторонь мархта.19Ирод мярьгсь вешемда Пёторонь, и мзярда сонь ашезь му, Ирод судендазень ваныхнень и мярьгсь шавомдост. Тяда меле сон тусь Иудеяста Кесарияв и лядсь тозк.

Иродонь куломац

20Ирод пяк кяжияфоль Тиронь и Сидононь эряйхнень лангс, и сят келесост срхкасть тейнза. Васенда синь таргазь эсь ширезост Властонь, оцязоргудонь вятить. Сяльде синь мольсть Иродонди и эняльдсть аф кирдемс лангозост кяж и ладямс мархтост. Вдь Иродонь масторста тейст эрявсь рамсемс кши.21Васедеманди ладяф шиня Ирод щась-карясь оцязоронь щамса, озась азор вастти и азсь тейст вал.22Ломаттне кайгиста пешкоткшнесть: «Тя корхтай аф ломань, а Шкайсь!»23Но апак учентт Азорть ангелоц эрьхтезе Иродонь сянкса, мес сон шнамать ашезе макса Шкайти. Иродонь сивозь суксне и сон кулось.

24А Шкаень валсь кассь и сраткшнесь келес.25Ина Варнава и Савл, тиемок тейст максф тевть, мрдасть Иерусалимста (Антиохияв), мархтост сявозь Иоанноньге, кона лемневсь Маркокс.


предыдущая глава Глава 12 следующая глава