Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ ИОАНН БОГОСЛОВЛАН ПОЧМАШ

Глава 14

1-5 Сион курыкышто у муро. 6-13 Кум Суксо. 14-20 Мланде ӱмбалне тӱредмаш.

1Мый ужынам: теве Сион курыкышто Пача шога, Тудын дене пырля шӱдӧ нылле ныл тӱжем еҥ лийын, нунын саҥгаштышт Тудын Ачажын лӱмжым возымо.2Мый пылпомыш гыч шуко вӱд лӱшкымӧ, виян кӱдырчӧ кӱдыртымӧ гай йӱкым колынам. Мый кӱслезе-влакын кӱслештым шоктымо гай йӱкым колынам.3Нуно престол ончылно, ныл илыше да старец-влак ончылно у гай мурым муреныт. Мландӱмбач тӱлен налме 144 тӱжем еҥ деч моло тиде мурым нигӧ мураш тунем кертын огыл.4Нине еҥ теве кӧ улыт: нуно шкеныштым ӱдырамаш-влак дене амыртен огытыл, нарашта ӱдыр гай ару улыт, да Пача кушко кая, почешыже мият. Нуным Юмылан да Пачалан икымше шочшо семын еҥ-влак кокла гыч тӱлен налме.5Йылмыштышт шоя уке, Юмын престолжо ончылно ситыдымаш деч посна улыт.

6Вара мый кӱшнӧ, пылпомыш покшелне чоҥештыше эше ик Суксым ужынам. Мланде ӱмбалне илыше-влаклан, чыла калыклан, тукымлан, йылмылан да йыжыҥлан увертарыже манын, тудын курымашлык Евангелийже улмаш.7Тудо кугу йӱк дене ойлен: «Юмо деч лӱдса, Тудым чапландарыза, вет Тудын судитлыме жапше толын. Кавам да мландым, теҥызым да памаш-влакым Пӱрышылан, сукен, вуйым савыза!»

8Тудын почеш кокымшо Суксо толын да ойлен: «Сӱмырлен! Яжарланыме шыде аракажым чыла калыклан йӱктымыжлан кугу Вавилон ола сӱмырлен!»

9Вара кумшо Суксо нунын почеш толын да виян йӱк дене ойлен: «Кӧ янлыклан да тудын тӱсшылан вуйым савен кумалеш да тудын палыжым шке саҥгашкыже але кидышкыже шындыкта гын,10тудыжо Юмын шыдыжын аракажым, вӱд дене варыдыме, Юмын шыдыжын чашешыже ямдылыме аракам йӱшаш да святой Суксо-влак ден Пача ончылно тул да киш дене орландарыме лийшаш.11Тыгай еҥ-влакым орландарыме деч лекше шикш курым-курымеш нӧлталташ тӱҥалеш. Кӧ янлыклан да тудын тӱсшылан вуйжым савен кумалеш да тудын лӱм палыжым шкаланже шындыкта, тугай еҥлан йӱдымат, кечывалымат тыныс ок лий.12Тыштыже Юмын кӱштымыжым шуктышо да Иисуслан ӱшанле святой-влакын чытымашышт».

13Вара мый пылпомыш гыч йӱкым колынам, тудо мылам ойлен: «Кӧмыт тылеч вара Господь дене ушнымаште колат, нуно пиалан улыт манын возо». «Туге, – Шӱлыш ойла, – нуно шке пашашт деч канат, да нунын пашашт почешышт кая».

14Мый ужынам: теве ош пыл, пыл ӱмбалне Айдеме Эргыла койшо шинчен, вуйыштыжо шӧртньӧ вуйшӱдыш, кидыштыже пӱсӧ сорла.15Вара храм гыч вес Суксо лектын да пыл ӱмбалне шинчышылан виян йӱк дене кычкыралын: «Сорлатым колто да тӱред! Тӱредме жап толын, мланде ӱмбалне шурно шуын».16Тунам пыл ӱмбалне шинчыше сорлажым мланде ӱмбаке шуэн, да мланде тӱредме лийын.

17Вара пылпомышсо храм гыч адак ик Суксо лектын, тудынат пӱсӧ сорлаже лийын.18Вес Суксо жертвенник деч лектын, тудо тулым кид йымалныже кучен. Пӱсӧ сорлам кучышылан тудо виян кычкыралын: «Пӱсӧ сорлатым колто да мландӱмбалсе виноград орлаҥгым пӱчкеде, вет саскаже шуын».19Суксо сорлажым мланде ӱмбаке шуэн, мландӱмбалсе виноград орлаҥгым, пӱчкын, саскавӱдым темден лукмо верыш, Юмын шыдыжын шучко верышкыже, шуэн.20Саскажым ола деч ӧрдыжтӧ темден лукмо верыште тошкеныт, да тушечын тӱжем куд шӱдӧ стадийыш вӱр йоген лектын да имньын шӧрмычшӧ марте шуын.


*а 14:7 Пӱрышӧ – Творец.

*б 14:20 Стадий – 185 метр наре.

предыдущая глава Глава 14 следующая глава