Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ПАВЕЛЫН ЕВРЕЙ-ВЛАКЛАН КОЛТЫМО СЕРЫШЫЖЕ

Глава 12

1-13 Пеҥгыдын шогаш ӱжмаш. 14-29 Юмын ваштареш шогымо деч шижтарымаш.

1Садлан меат, тынар кугу таныклыше тӱшка мемнам пылла авыра гын, чыла нелым да мемнам куштылгын шӱртньыктарыше языкым кудалтышаш да ончылнына улшо корным чытен эртышаш улына,2ӱшанымынам шочыктышо да тичмашлыкыш шуктышо Иисус ӱмбаке ончышаш улына. Намысым шотлыде, Тудым вучышо куан олмеш ыресым чытен лектын да Юмын престолжын пурла велышкыже шинчын.3Ида нойо да чонда вийым ынже йомдаре манын, языкан-влак деч тыгай ваштареш шогымым Чытыше нерген шоналтыза.

4Язык ваштареш кредалмаште тыланда але вӱрдам йоктараш логалын огыл.5Тыланда эргылан ойлымо семын каласыме лыпландарымашым монденда:
«Эргым! Господьын тӧрлатымыжым кӱлдымылан ит шотло,
кунам Тудо тыйым шылтала, вуетым ит саке.
6Вет Господь кӧм йӧрата, тудым наказатла,
кӧм эрге семын налеш, чыланыштым кыра».
7Наказатлымым чытеда гын, Юмо тендан дене эрге-влак дене ыштыме семын ышта. А уло мо тугай эрге, кудым ача мут кучаш ок шогалте?8Чыла эргылан логалшаш наказатлымаш деч посна кодыда гын, тугеже те чын эрге огыл, закондымо улыда.9Адакшым, кап шот дене чыланнан наказатлыше ачана лийын, да ме тудым пагаленна, тугеже, илаш манын, шӱлыш-влакын Ачаштын мутшым утларак колыштшаш огынал мо?10Кап ачана-влак шке умылымышт семын мемнам кӱчык жаплан наказатленыт, а Юмо мыланна чынжымак сай лийже манын наказатла, Тудын наказатлымыжлан кӧра ме Тудын святой улмыжо гай святой лияш йӧным налына.11Кеч-могай наказатлымаш шке жапыштыже куанла огыл, а ойгыла чучеш, но вара тудын гоч туныктымо-влаклан чын ыштымашын тыныслык саскажым конда.

12Тугеже ӱнардыме киддам да вийым йомдарыше пулвуйдам вияҥдыза.13Окшаклышын йолжо ынже йычкешт, а лучо паремже манын, йолланда вияш йолгорным ыштыза.

14Чылан денат тынысын илаш тӧчыза, святой илыш дене илаш тыршыза, тудын деч посна Господьым нигӧ ок уж.15Юмын порылыкшо деч нигӧ ынже кораҥ манын эскерыза. Тек нимогай кочо вож ынже лек да эҥгекым ынже ыште, шукым ынже амырте.16Тендан коклаште иктаж-могай яжарланыше але Исав семын Господьым пагалыдыме еҥат ынже лий манын эскерыза, Исавше икана кочшашлан кугерге улмыжым ужален.17Те паледа: кунам Исав тидын деч вара благословитлымым налаш шонен, кораҥдыме лийын. Шинчавӱд йӧре ачаж деч йодын гынат, тудын шонымыжым вашталтен кертын огыл.

18-19Те шижаш лийме да тул дене йӱлышӧ курык деке огыл, пич пычкемыш да тӱтан мардеж деке огыл, пуч йоҥгалтме да мутым лукшо йӱк деке огыл лишемында. Мыланна тылеч вара нимом каласыме ынже лий манын, тиде йӱкым колшо-влак йодыныт,20вет «Курык деке янлык але вольык тӱкна гынат, кӱм кышкен але пикш дене пуштмо лийже» манын кӱштымым чытен кертын огытыл.21Тиде ужмышт тунар шучко лийын, Моисеят каласен: «Мый чот лӱдам да чытырем».22Но те Сион курык да илыше Юмын олаже, пылпомышсо Иерусалим деке, шотлен пытараш лийдыме Суксо-влак деке толында,23ончыч шочшо-влакын пайремлымашышт да черке погынымашышт деке – нунын лӱмыштым пылпомышто возымо – , чылаштын судьяшт, Юмо, деке миенда, тичмашлыкыш шушо чын ыштыше-влакын чонышт деке,24у сугыньын Ходатайже Иисус деке да Авельын вӱржӧ деч сайракын ойлышо шыжыктыме Вӱр деке лишемында.

25Шекланыза, ойлышо деч ида кораҥ. Нине моло, мландӱмбалне нуным шижтарыше деч кораҥмеке, утлен огытыл гын, тугеже ме пылпомыш гыч Шижтарыше деч савырнена гын, мутат уке, утлен огына керт.26Тунам Тудын йӱкшӧ мландым чытырыктен, да Тудо кызыт тыгай сӧрымашым пуэн: «Эше икана мландым веле огыл, а кавамат чытырыктем».27«Эше икана» манмыже чытырыкташ лиймым, вес семынже Юмын пӱрымӧ тӱням, кораҥдымыжым ончыкта. Тыгеже, чытырыкташ лийдымыже кодеш.28Ме чытырыктен кертдыме Кугыжанышым налына, сандене Юмын порылыкшым кучышаш да, таум ыштен, Юмылан служитлышаш улына, но тидым Тудлан келшышын, кугун пагален да лӱдын ыштышаш улына,29вет мемнан Юмына чыла пытарыше тул улеш.


*а 12:5-6 Притч 3:11-12.

*б 12:9 «Шӱлыш-влакын Ачаштын»: тидым «шӱм-чон Ачанан» манынат кусараш лиеш.

*в 12:20 Исх 19:12-13.

*г 12:21 Втор 9:19.

*д 12:26 Агг 2:6.

*е 12:27 Пӱрымӧ – сотворенное.

*ж 12:28 «Юмын порылыкшым кучышаш»: грекла возымым «Тауштышо лийшаш» манынат кусараш лиеш.

предыдущая глава Глава 12 следующая глава