Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

СВЯТОЙ АПОСТОЛ ИАКОВЫН УЛО ЧЕРКЫЛАН КОЛТЫМО СЕРЫШЫЖЕ

Глава 5

1-6 Поян-влакым шижтарымаш. 7-20 Чытымаш да кумалмаш.

1А поян-влак, колыштса: ӱмбакыда толшаш орлыклан мӱгырен шортса.2Тендан поянлыкда шӱйын пытен, вургемдам когарш кочкын,3шӧртньӧ ден шийда рӱдаҥыныт. Нунын рӱдаҥшышт тендан ваштареш таныклымаш лиеш да тул семын тендан кап ден чондам кочкеш. Те тиде пытартыш кечылан поянлыкым погенда.4Теве пашаеҥ-влак пасудам тӱредыныт, но те пашадарыштым ондален кучен коденда, пашадарышт вуйшийын кычкыра, да тӱредше-влакын кычкырымышт Господь Саваофын пылышышкыже шуын.5Те мланде ӱмбалне ракатланенда, шкаланда келанымашым кычалында, пуйто шӱшкылмӧ кечылан шӱмдам ӧрдыктаренда.6Те чын ыштышым титаканыш луктында да пуштында, тудо тыланда торешланен огыл.

7Тугеже, иза-шольо-влак, Господь толмешке, чытыше лийза. Теве мланде пашаеҥ шошо да шыже йӱр толмым, мландын шергакан саскажым чытен вуча.8Теат шуко чытыше лийза да шӱмдам пеҥгыдемдыза, вет Господьын толмо жапше лишемеш.9Иза-шольо-влак, икте-весыда ӱмбаке вуйым ида ший, уке гын те шке судитлыме лийыда: теве Судья омса воктенак шога.10Иза-шольым-влак, Господьын лӱмжӧ дене ойлышо пророк-влакын чытен орланымыштым да кужун чытымыштым ончыза да нунын семынак ыштыза.11Теве ме чытен лекше-влакым поро пиалан манын моктена. Иовын чытымыж нерген те колында да Господьын пытартышлан тудлан мом ыштымыжым ужында, вет Господь чот чаманыше да поро.

12Иза-шольым-влак, эн ондак тидым шарныза: ида товатле. Пылпомыш денат, мланде денат, нимогай вес товатлыме дене ида товатле. Тек тендан «туге» манмыда «туге» лиеш, «уке» манмыда – «уке», уке гын те судитлалтмашке логалыда.

13Тендан коклаште иктаж-кӧ орлана гын, тек кумалеш. Кӧ поро кумылан – тек Юмым чапландарен мура.14Тендан кокла гыч иктаж-кӧ черле гын, тек Черкын пресвитерже-влакым ӱжеш, нунышт, Господь лӱмеш ӱйым шӱрен, тек тудын верч кумалыт.15Ӱшанен кумалмышт черлым паремда, да Господь тудым кынелта, а языкым ыштен гын, титакшым кудалта.16Паремаш манын, титакдам икте-весыланда почын ойлыза да икте-весыда верч кумалза. Чын ыштышын тыршен кумалмыже шуко ыштен кертеш.17Илият мемнан гаяк айдеме лийын. Йӱр ынже лий манын, тудо сӧрвален кумалын, да мланде ӱмбалне йӱр кум ий да куд тылзе лийын огыл.18Вара угыч кумалын, да пылпомыш йӱрым пуэн, мланде шке саскажым куштен.

19Иза-шольым-влак, тендан кокла гыч иктаж-кӧ чын деч кораҥеш да иктаж-кудыжо тудым пӧртылта гын,20тек пала: языканым йоҥылыш корныж гыч пӧртылтышӧ тудын чонжым колымаш деч утара да шуко языкым леведеш.


предыдущая глава Глава 5 следующая глава