Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главас русским текстом

МАРК ХУМ ХАНСУМ ЁМАС ЛЯ̄ХХАЛ

Глава 16

Ӣсус нōх-ялты

1Сабат-хōтал минам юи-пāлт, Мария Магдалина, Мария – Яков ся̄не ос Саломия ёмас паснэ ся̄лыг вōй висыт. Ӣсус алпитэ вōйыл сартуӈкве минāсыт.2Сāт ōвылтахтам хōталт, ань хōтал нōх-нэ̄глын торыг тāн Тав āхвтас курсипе пāлт ёхты̄сыт.3Ё̄миманыл номсахтасыт, хотъютанылн тах яныг āхвтас пōхан лаквтуӈкве вēрмаве.4Курсип āви пōхан ёхтуманылт кāсаласаныл, āхвтас пōхан лаквтым ōлыс.5Юв-ся̄лтманыл порат сунсэ̄гыт: āви ёмаспалт хоса, я̄ӈк маснутыӈ маньлат хум ӯнлахōлыс. Нэ̄т хот-рōхтысыт.

6– Ул пилэ̄н, – тав лāвыс. – Пēрнан ёл-рāтым Назаретныл ōлнэ Ӣсус нāн кинсылын-а? Тав нōх-ялтыс! Тав тыт āтим. Сунсэ̄н: тыт-ты-я Тав хуям мāтэ.7Ань минэ̄н! Тав ханисьтам юртанэ̄н ос Пēтрын тах лāвēн: “Тав нāнан Галилея мāт ӯрытэ, Тав нāнан хумус лāвыглас”.

8Нэ̄т кон-квāлсыт. Тāн пилысьман ёхтувēсыт. Āхвтас курсипныл юв-хайтсыт. Тāн сыманыл рохтым ōлсыт, таимāгыс нэ̄мхотъютын нэ̄матыр ат лāвсыт.

Нōх-ялтум Ӣсус ёт мāхум хумус хōнтхатыглāлсыт

9Сāт ōвыл хōталэ, нōх-ялтум Ӣсус сāртын Мария Магдалинан хӯлтхатас. Та нэ̄ныл Тав сāт кулит кон-ня̄влыглас.10Та нэ̄ Тав ётэ ōлум мāхманэ пāлт минас. Тāн ань Тав мāгсылэ тыстым-лю̄ньсим ōлсыт. Нэ̄ тāнанылн Ӣсус вāме урыл лāвыс.11Тāн Мария лāвум потрэ̄н ат агтсыт.

12Кит хумы̄г ӯсныл ё̄мсы̄г. Ӣсус тэ̄натэ̄н ань мōт хурил вāрхатым хӯлтхатас.13Ты кит хумы̄г юв-ёхтумēн порат мāхумын ōс потыртасы̄г. Тэ̄натэ̄н ос нэ̄мхотъют ат агтыс.

14Тувыл Ӣсус аквхуйплув ханисьтахтын хумиянēн хӯлтхатас. Тāн ань тэ̄пялым ӯнлахōлсыт. Тав тāнаныл āхвтасыӈ сыманыл ос ат агтнэ̄ныл мāгыс лю̄камтасанэ. Тāн Ӣсус нōх-ялтме накын ат агтсыт.15Тав лāвыс:

– Минэ̄н сāв мā ēрн! Тōрум лāтӈыт мā янытыл хӯлтыглэ̄лы̄н.16Хотъютыт агтэ̄гыт ос пēрна пинуӈкве патэ̄гыт, тāн тах лылытэ вēстхатэ̄гыт. Хотъютыт агтуӈкве ат патэ̄гыт, āкваг сутитаӈкве патавет.17Тōрумын агтнэ мāхум пōсыл мыганум: тāн Ам намум ёт кулит кон-ня̄влуӈкве патэ̄гыт, йильпи лāтӈыл потыртаӈкве патэ̄гыт.18Тāн ялпыӈ-ӯйт кāтын висинтаӈкве вēрмēгыт, лю̄ль тэ̄рпи аюӈкве-ке патэ̄гыт, āгмн ат пувāвет. Тāн кāт пиным āгмыӈ мāхум пусмалтаӈкве патэ̄гыт.

19Ань Ӣсус потранэ пуссын лāвманэ юи-пāлыт, нōх та вуйвес. Тōрум ёмаспал кāтэ торыг Тав та ӯнттувес.20Тав ханисьтахтын юртанэ минасыт, мирн Тōрум нōт э̄лаль-ōлнэ лāтыӈ потыртасыт. Тōрум тāн ётаныл ōлыс, Такви лāвум лāтӈанэ Тōрум пōсыл хӯлтсанэ.


предыдущая глава Глава 16